Прызналі «экстрэмісцкімі» старонкі ў сацсетках Дзяніса Дудзінскага

Міністэрства інфармацыі абнавіла «Рэспубліканскі спіс экстрэмісцкіх матэрыялаў». Гэтым разам у яго сярод іншых трапілі старонкі ў інстаграме і Threads вядомага журналіста і шоўмена Дзяніса Дудзінскага.

Дзяніс Дудзінскі. Фота: «Белсат»

Акрамя таго, у спіс уключаныя:

• акаўнты ў фэйсбуку Aleksei Isakov і Aliaksandr Khomchanka;
• суполка ва «УКантакце» «Янаўская Хваля (Iванава — Беларусь)»;
• акаўнты ў тыктоку alx_lazarau, kiss_batman.

Уладальнік тыкток-акаўнта alx_lazarau, дарэчы, ужо не жыве. Гэта старонка беларускага добраахвотніка ва Украіне Аляксея Лазарава, пра гібель якога на фронце стала вядома ў студзені 2026 года.

Каментары да артыкула