У Мінск прыляціць Сяргей Лаўроў
Міністр замежных спраў Расіі Сяргей Лаўроў 2—3 лістапада наведае Мінск, дзе возьме ўдзел у IV Мінскай канферэнцыі па еўразійскай бяспецы. Пра гэта паведаміла афіцыйная прадстаўніца расійскага МЗС Марыя Захарава.
Сяргей Лаўроў. Фота: Alexander Nemenov / Pool Photo via AP
Лаўроў узначаліць расійскую дэлегацыю і выступіць на пленарным пасяджэнні канферэнцыі. Па словах Захаравай, асаблівую ўвагу ў сваёй прамове ён надасць расійскай ініцыятыве па фарміраванні сістэмы еўразійскай бяспекі, а таксама распрацоўцы Еўразійскай хартыі разнастайнасці і шматпалярнасці ў XXI стагоддзі.
Чакаецца, што кіраўнік расійскага МЗС таксама выкладзе сваё бачанне актуальнай ваенна-палітычнай сітуацыі ў Еўразіі.
Перад візітам у Беларусь Лаўроў возьме ўдзел у сустрэчы міністраў замежных спраў краін G20, якая пройдзе ў амерыканскай Атланце 30—31 кастрычніка.
Чытайце таксама:
Лаўроў: Зяленскі кідае прамы выклік Трампу
Кіраўнік МЗС Германіі распавёў, навошта сустракаўся з Лаўровым і якія тэмы абмяркоўвалі
Упершыню з 2022 года міністр замежных спраў Германіі сустрэўся з Лаўровым