U Minsk prylacić Siarhiej Łaŭroŭ
Ministr zamiežnych spraŭ Rasii Siarhiej Łaŭroŭ 2—3 listapada naviedaje Minsk, dzie voźmie ŭdzieł u IV Minskaj kanfierencyi pa jeŭrazijskaj biaśpiecy. Pra heta paviedamiła aficyjnaja pradstaŭnica rasijskaha MZS Maryja Zacharava.
Siarhiej Łaŭroŭ. Fota: Alexander Nemenov / Pool Photo via AP
Łaŭroŭ uznačalić rasijskuju delehacyju i vystupić na plenarnym pasiadžeńni kanfierencyi. Pa słovach Zacharavaj, asablivuju ŭvahu ŭ svajoj pramovie jon nadaść rasijskaj inicyjatyvie pa farmiravańni sistemy jeŭrazijskaj biaśpieki, a taksama raspracoŭcy Jeŭrazijskaj chartyi raznastajnaści i šmatpalarnaści ŭ XXI stahodździ.
Čakajecca, što kiraŭnik rasijskaha MZS taksama vykładzie svajo bačańnie aktualnaj vajenna-palityčnaj situacyi ŭ Jeŭrazii.
Pierad vizitam u Biełaruś Łaŭroŭ voźmie ŭdzieł u sustrečy ministraŭ zamiežnych spraŭ krain G20, jakaja projdzie ŭ amierykanskaj Atłancie 30—31 kastryčnika.
Čytajcie taksama:
Łaŭroŭ: Zialenski kidaje pramy vyklik Trampu
Kiraŭnik MZS Hiermanii raspavioŭ, navošta sustrakaŭsia z Łaŭrovym i jakija temy abmiarkoŭvali
Upieršyniu z 2022 hoda ministr zamiežnych spraŭ Hiermanii sustreŭsia z Łaŭrovym