19-hadovy palitviazień Cichan Klukač adbyŭ termin i źjechaŭ ź Biełarusi
Palitviazień Cichan Klukač adbyŭ termin źniavoleńnia i vyjšaŭ na volu 9 sakavika. Paśla vyzvaleńnia jon źjechaŭ ź Biełarusi.
19-hadovy Cichan Klukač byŭ zatrymany ŭ kastryčniku 2020 hoda. Jaho abvinavacili ŭ złosnym chulihanstvie (art. 368 KK) i aktyŭnym udziele ŭ hrupavych dziejańniach, jakija hruba parušajuć hramadski paradak (art. 342 KK).
Pavodle abvinavačvańnia, 6 vieraśnia jon i palitźniavolenaja Safija Małaševič udzielničali ŭ niesankcyjanavanym masavym mierapryjemstvie na praśpiekcie Pieramožcaŭ. Safija bałončykam z farbaj malavała na ščytach sistemy «Rubiež», a Cichan zdymaŭ heta na videa, a potym zdymaŭ, jak jana tančyć. Cichan atrymaŭ 1,5 hoda pazbaŭleńnia voli ŭ kałonii ahulnaha režymu, Safija — 2 hady, paviedamlaje «Novy čas».