Pryznačany daty centralizavanaha teściravańnia ŭ 2023 hodzie
Ministerstva adukacyi pastanovaj ad 15 sakavika pryznačyła daty praviadzieńnia centralizavanaha teściravańnia ŭ 2023 hodzie. Dakumient siońnia aficyjna apublikavany na Nacyjanalnym pravavym internet-partale.
Pastanovaj vyznačany 41 punkt praviadzieńnia teściravańnia. Testy pačnucca 14 červienia i skončacca 4 lipienia:
pa biełaruskaj movie — 14 červienia,
pa ruskaj movie — 16 červienia,
pa hramadaznaŭstvie — 18 červienia,
pa matematycy — 20 červienia,
pa bijałohii — 22 červienia,
pa zamiežnych movach — 24 červienia,
pa chimii — 26 červienia,
pa fizicy — 28 červienia,
pa historyi Biełarusi — 30 červienia,
pa hieahrafii — 2 lipienia,
pa suśvietnaj historyi — 4 lipienia.
Va ŭsie daty teściravańnie budzie pačynacca ŭ 11:00.
CT u reziervovyja dni budzie pravodzicca ŭ šaści VNU 11, 13 i 15 lipienia. Rehistracyja na jaho pryznačana na 1—6 lipienia.
Siertyfikaty CT buduć vydavacca abituryjentam z 14 lipienia, kali jany prajšli jaho ŭ asnoŭnyja dni, i 20 lipienia — kali prajšli ŭ reziervovyja.
Z nastupnaha navučalnaha hoda ŭ Biełarusi ŭviaduć druhi abaviazkovy elemient školnaj formy
U baranavickaj škole nastaŭnica dała aplavuchu vučniu. Baćki stali na bok nastaŭnicy