Z nastupnaha navučalnaha hoda ŭ Biełarusi ŭviaduć druhi abaviazkovy elemient školnaj formy
U nastupnym navučalnym hodzie škoły pavinny buduć uvieści jašče adzin abaviazkovy elemient školnaj formy. Pra heta paviedamiŭ ministr adukacyi Andrej Ivaniec na vynikovaj kalehii kamiteta pa adukacyi Minharvykankama, piša BIEŁTA.
Ivaniec ličyć, što «biezumoŭna, adnym z surjoznych momantaŭ vychavaŭčaj raboty va ŭstanovach ahulnaj siaredniaj adukacyi źjaŭlajecca ŭviedzieny ŭ minułym hodzie adziny elemient školnaj formy». Pavodle jaho, siońnia školniki «z zadavalnieńniem vykarystoŭvajuć jaho i emblemy škoł».
Sioleta ŭsie škoły dapoŭniać vybrany elemient formy druhim elemientam. «Heta budzie pryvodzić da niekatoraj adnastajnaści i razumieńnia — jak u baćkoŭ, tak i navučencaŭ — prynaležnaści da kankretnaj ustanovy ahulnaj adukacyi», — raskazaŭ Andrej Ivaniec.
Vybirać druhi elemient formy buduć sami škoły. «Naprykład, kali ŭ minułym hodzie škoła vybrała kamizelku, to ŭ hetym hodzie možna budzie dapoŭnić jaje, naprykład, štanami, abo biełaj saročkaj, abo halštukam. Tut my nie abmiažoŭvajem u vybary. Baćki razam z nastaŭnikami pavinny pravieści šyrokaje abmierkavańnie», — rastłumačyŭ ministr.
Kolki abaviazkovych elemientaŭ školnaj formy ŭvohule źbirajecca ŭvieści Minadukacyi, nie paviedamlajecca.
Dziaržstandart zabaraniŭ prodaž školnaha adzieńnia viadomaj handlovaj marki
Z nastupnaha hoda školnaja forma stanie abaviazkovaj
U lidarach — čorny koler. Ministerstva adukacyi padviało vyniki apytańnia pra školnuju formu
Dyzajnierka raspracavała školnuju formu ŭ nacyjanalnym styli
Minadukacyi raskazała, što možna vybirać u jakaści raspaznavalnaha elemienta školnaj formy
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Kamientary