U Kramli nie paćvierdzili słovy Łukašenki, što jadziernuju zbroju ŭžo zavoziać u Biełaruś
Biez kamientaroŭ pakinuŭ pytańnie ab tym, ci sapraŭdy praces pieramiaščeńnia niestratehičnaj jadziernaj zbroi z Rasii na terytoryju Biełarusi ŭžo pačaŭsia, pres-sakratar prezidenta Rasii Dźmitryj Piaskoŭ, piša TASS.
Dźmitryj Piaskoŭ. Fota: The Insider
25 maja Alaksandr Łukašenka zajaviŭ, što pieramiaščeńnie taktyčnaj jadziernaj zbroi z Rasii na terytoryju Biełarusi ŭžo pačałosia, i Piaskova paprasili prakamientavać hetuju zajavu.
Zamiest adkazu Piaskoŭ raskazaŭ, što Biełaruś nibyta «sutykajecca ź vielmi niedružalubnymi, kali nie skazać bolš — varožymi, — prajavami z boku susiednich dla jaje dziaržaŭ»:
«Heta ŭsio patrabuje ad nas dalejšaha raźvićcia našych sajuźnickich stasunkaŭ, ich umacavańnia. Majucca na ŭvazie roznyja haliny, u tym liku i dalejšaje raźvićcio adnosin u vajskovaj śfiery. Što my i robim», — skazaŭ jon.
Kali ž Piaskova pierapytali, ci sapraŭdy praces pieramiaščeńnia niestratehičnaj jadziernaj zbroi z Rasii na terytoryju Biełarusi ŭžo pačaŭsia, jon adkazaŭ, što ŭžo «skazaŭ toje, što skazaŭ, pa hetaj temie», faktyčna ŭchiliŭšysia takim čynam ad prostaha adkazu.
Čytajcie taksama:
Dzie raźmieściać rasijskuju jadziernuju zbroju, vybuch jakoj moža źniščyć ceły horad?
Raźmiaščeńnie jadziernaj zbroi ŭ Biełarusi nie budzie aznačać realnuju eskałacyju z boku RF — ISW