Dzie raźmieściać rasijskuju jadziernuju zbroju, vybuch jakoj moža źniščyć ceły horad?
Miesca raźmiaščeńnia rasijskaj jadziernaj zbroi na terytoryi Biełarusi prynamsi pakul trymajecca ŭ tajamnicy. Ekśpiert pa radyjacyjnaj, chimičnaj i bijałahičnaj biaśpiecy Siarhiej Biesarab nazvaŭ niekalki najbolš mahčymych łakacyj, kudy Rasija zavozić jadziernuju zbroju, jakaja budzie padkantrolnaja tolki joj.
Jakija bazy ŭ Biełarusi jość?
Da vyvadu savieckaj jadziernaj zbroi z terytoryi Biełarusi bojeprypasy zachoŭvalisia ŭ niekalkich miescach.
«Dla hetaha vykarystoŭvalisia schoviščy śpiecyjalnych bajavych čaściej, jakija pryviazvalisia da vajskovych aeradromaŭ, pryznačanych dla ciažkaj avijacyi, — kaža Biesarab. —
Takimi byli, naprykład, Bychaŭskaja ramontna-techničnaja baza (RTB) u vajskovaj čaści 72158, RTB «Kazakova» pad Babrujskam, ciapierašniaja 61-ja avijabaza pavietranych vojskaŭ u Baranavičach, vajskovy aeradrom u Mačuliščach.
U svaje časy Mačuliščy byli samaj bujnoj i samaj abaronienaj RTB u Biełarusi, dzie zachoŭvalisia kryłatyja rakiety Ch-22 ź jadziernymi bojehałoŭkami. Tam ža bazavalisia ciažkija bambardziroŭščyki TU-22, jakija byli asnoŭnymi nośbitami hetych kryłatych rakiet».
U najlepšym stanie ź ich, na dumku Biesaraba, bazy ŭ Baranavičach (t. z. 2333 RTB) i ŭ Mačuliščach.
«Baranavičy z hetych varyjantaŭ vyhladajuć jak najbolš zručnaje miesca z punktu hledžańnia łahistyki. Rasijanie pierasoŭvajuć jadziernuju zbroju čyhunkaj z vykarystańniem admysłovych vahonaŭ, tamu Baranavičy pasujuć lepš za ŭsio», — ličyć ekśpiert.
Siarod inšych varyjantaŭ navukoviec taksama nazyvaje Lidu i Homiel (RTB Homiel-30).
«Jany taksama dobra padychodziać dla takich metaŭ, ale kali brać Homiel, to tam zachoŭvajuć radyjeaktyŭnyja adkidy, tamu heta panižaje mahčymaść vykarystańnia hetaj bazy dla zachoŭvańnia zbroi», — ličyć Biesarab.
Što tyčycca terminaŭ, kali zbroja moža źjavicca na terytoryi Biełarusi, to navukoviec nazyvaje tydzień.
U krasaviku pasoł Rasijskaj Fiederacyi ŭ Biełarusi Barys Hryzłoŭ vykazaŭsia tak nakont raźmiaščeńnia jadziernaj zbroi:
«Jana budzie prysunutaja da zachodnich miežaŭ našaj Sajuznaj dziaržavy i budzie pavyšać mahčymaści zabieśpiačeńnia našaj biaśpieki».
Jakuju niebiaśpieku Biełarusi niasie fakt raźmiaščeńnia na jaje terytoryi jadziernaj zbroi?
Biełaruś budzie tolki schoviščam, bo ŭsie kody aktyvacyi buduć znachodzicca ŭ Rasii, tamu navat kali raptam u niekaha atrymajecca zachapić hetuju zbroju, to aktyvizavać jaje — naŭrad ci.
«U najhoršym vypadku, kali kody aktyvacyi buduć zhublenyja, to my atrymajem patencyjnyja brudnyja bomby», — adznačaje ekśpiert.
Najbolš niebiaśpiečnym moža być scenar, kali niejkaja bomba, snarad ci rakieta trapić u hetaje schovišča. U takim vypadku ŭ radyusie ad 1 da 10 kiłamietraŭ (u zaležnaści ad mahutnaści taho, što ŭdaryć pa schoviščy) my atrymajem terytoryju, zabrudžanuju płutonijem, jak vakoł ČAES, t. z. «paliŭny śled», dzie možna nazirać rudy les.
Što tyčycca niebiaśpieki dla ludziej ci navakolnaha asiarodździa vyklučna ad zachoŭvańnia takoj zbroi, to, pa słovach navukoŭca, škodu ad takoj zbroi buduć atrymlivać tolki tyja ludzi, jakija ź joj kantaktujuć. Za miežami bazy, dzie takaja zbroja budzie zachoŭvacca, nijakaha ŭździejańnia ad jaje nie budzie.
«Ale samaja važnaja niebiaśpieka, jakuju niasie raźmiaščeńnie hetaj zbroi na terytoryi našaj krainy, u tym, što jana robić našu krainu mišeńniu. Kali dojdzie da taho, što jaje treba budzie źniščyć, to pa składach buduć nanosić udary.
Pryčym dla hetaha nie treba vykarystoŭvać jadziernuju zbroju, dastatkova zvyčajnaj vysokadakładnaj. Tamu zabrudžvańnie i razbureńni ŭ pieršuju čarhu buduć iści vyklučna ad taho, što taja zbroja ŭzarviecca ŭ vypadku ataki na takija składy, jakija mohuć być źniščanyja, kab praduchilić vykarystańnie jadziernaj zbroi», — adznačaje ekśpiert.
«Naša Niva» — bastyjon biełaruščyny
PADTRYMAĆUsie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary
chacia spačatku kazałasia, što ,,rašeńnie budziem sumiesna prymać,,
znoŭ raźviali, jak łocha?