Raźmiaščeńnie jadziernaj zbroi ŭ Biełarusi nie budzie aznačać realnuju eskałacyju z boku RF — ISW
«Razhortvańnie taktyčnaj jadziernaj zbroi ŭ Biełarusi patrabuje najaŭnaści značnaj vajskovaj infrastruktury, a taksama rasijskaha kamandavańnia i kantrolu nad elemientami biełaruskich uzbrojenych sił», — kanstatujuć u Instytucie vyvučeńnia vajny.
Pahadnieńnie ab raźmiaščeńni rasijskaj taktyčnaj jadziernaj zbroi na terytoryi Biełarusi skiravanaje na zamacavańnie faktyčnaha vajskovaha kantrolu RF nad Biełaruśsiu, vierahodnaje razhortvańnie jadziernaj zbroi na biełaruskaj terytoryi naŭrad ci budzie aznačać jakuju-niebudź eskałacyju z boku Rasii, pierakananyja analityki Instytuta vyvučeńnia vajny, jak zaznačaje «Ukrainskaja praŭda».
25 maja ŭ Minsku ministr abarony Rasii Siarhiej Šajhu i ministr abarony Biełarusi Viktar Chrenin padpisali dakumienty ab raźmiaščeńni rasijskaj niestratehičnaj (taktyčnaj) jadziernaj zbroi na biełaruskaj terytoryi. Šajhu padkreśliŭ, što Rasija zachavaje kantrol nad taktyčnaj jadziernaj zbrojaj u vypadku jaje raźmiaščeńnia ŭ Biełarusi, i zajaviŭ, što biełaruskija samaloty ciapier zdolnyja nieści jadziernuju zbroju.
U ISW nahadali, što 25 sakavika Uładzimir Pucin raniej abviaściŭ, što Rasija raźmieścić taktyčnuju jadziernuju zbroju ŭ Biełarusi da 1 lipienia, imavierna, dla taho, kab adnavić infarmacyju ab patencyjnaj jadziernaj eskałacyi z-za vajny va Ukrainie.
Padčas padpisańnia pahadnieńnia Šajhu taksama abviaściŭ, što rasijskija vojski razhornuć dadatkovyja voinskija kantynhienty ŭ Biełarusi dla raźvićcia vajennaj infrastruktury, pašyreńnia sumiesnych bajavych vučeńniaŭ i praviadzieńnia raźviedvalnych mierapryjemstvaŭ pablizu miežaŭ Sajuznaj dziaržavy.
«Razhortvańnie taktyčnaj jadziernaj zbroi ŭ Biełarusi patrabuje najaŭnaści značnaj vajskovaj infrastruktury, a taksama rasijskaha kamandavańnia i kantrolu nad elemientami biełaruskich uzbrojenych sił. Kreml, vierahodna, maje namier vykarystoŭvać hetyja patrabavańni dla dalejšaha padparadkavańnia biełaruskaj śfiery biaśpiecy Rasii», — padkreślili ŭ ISW.
Kiraŭniki Minabarony RF i Biełarusi padpisali dakumienty nakont niestratehičnaj jadziernaj zbroi RF na terytoryi Biełarusi. Knopka budzie tolki ŭ Rasii
U ZŠA adkazali, ci buduć jany mianiać raźmiaščeńnie svaich jadziernych sił paśla pieramiaščeńnia rasijskaj zbroi ŭ Biełaruś
Łukašenka zajaviŭ, što pačałosia pieramiaščeńnie ŭ Biełaruś jadziernych bojeprypasaŭ
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary
U tekście miemaranduma havaryłasia: