U Finlandyi na pamiežnicu napaŭ miadźviedź. Joj, kab uratavacca, pryjšłosia prykinucca miortvaj
Zdareńnie adbyłosia ŭ minułuju piatnicu. Eryka Jankia — siabra nacyjanalnaj zbornaj pa bijatłonie. Ale jana taksama słužyć i pamiežnicaj.
Eryka Jankia. Fota ź jaje fejsbuka
Eryka ździajśniała prabiežu ŭ słuchaŭkach, kali pabačyła za 10 mietraŭ ad siabie vialikaha miadźviedzia. Žyvioła stała nabližacca da jaje, i dziaŭčyna ŭpała tvaram u ziamlu dy prykinułasia miortvaj.
«Ja adčuvała, jak miadźviedź abniuchvaje maje ščykałatki i stupni. Ja navat paśpieła padumać: niaŭžo heta kaniec?» — raskazała Eryka žurnalistam.
Ale zatym miadźviedź adyšoŭ ad spartsmienki i pajšoŭ u les.
Eryka Jankia słužyć u pamiežnaj achovie
«Učorašniaja sustreča na pryrodzie, biezumoŭna, pakinie adbitak nadoŭha, a adčuvać strach pierad mocnaj ci, ja miarkuju, nieminučaj śmierciu — heta toje, da čaho vy nie možacie padrychtavacca. Adnak fizična, na ščaście, usio ŭ paradku, i ja nie atrymała nijakich traŭmaŭ u vyniku hetaj situacyi. U mianie prosta nie chapaje słoŭ, ale ja ŭdziačnaja za tyja ŭroki, jakija ja zasvoiła pra toje, jak vychodzić na pryrodu i znajomicca z žyviołami», — napisała Eryka Jankia ŭ instahramie.
Čytajcie taksama: