12 maja supracoŭniki Słužby achovy dziaržmiažy Litvy (SADŁ) padzialilisia videa i pažartavali, što źniata patrulavańnie pamočnika, piša Delfi.
Słužba paviedamiła, što bury miadźviedź źjaviŭsia ŭ Šalčyninskim rajonie i niekalki kiłamietraŭ išoŭ uzdoŭž miažy.
«Niadaŭna byŭ pryniaty zakon ab zasnavańni instytuta pamočnikaŭ SADŁ. My rychtujemsia da kastynhu i naboru takich pamočnikaŭ. Adnak pieršy taki pamočnik užo patrulavaŭ u Šalčyninskim rajonie, u Dzievianišskaj piatli, pry hetym pamiežnikaŭ ab svajoj dziejnaści zahadzia nie infarmavaŭ. Uzdoŭž fizičnaha barjera na miažy ź Biełaruśsiu jon prajšoŭ amal 3 km i pravieryŭ situacyju kala viosak Kurmielenaj i Jankunaj. Parušeńniaŭ na hetym učastku pamočnik nie znajšoŭ, nikoha nie zatrymaŭ», — pažartavali supracoŭniki Słužby achovy dziaržmiažy Litvy.
Miarkujecca, što ŭ Litvie buryja miadźviedzi nie žyvuć, časam prychodziać z Łatvii i ź Biełarusi. Praŭda, apošnim časam jość infarmacyja pra toje, byccam adzin miadźviedź zimavaŭ u Litvie. Kali vy sustreli buraha miadźviedzia — nie panikujcie i spakojna sychodźcie, papiaredžvajuć śpiecyjalisty.
Ciapier čytajuć
Toj samy masažyst raskazaŭ, navošta zdymaŭ hołych klijentak25
Kamientary