U palitźniavolenaj žurnalistki Łarysy Ščyrakovaj pamierła maci
Maci było 80 hadoŭ. Jana letaś ciažka pieraniesła karanavirus, źjavilisia šmatlikija ŭskładnieńni. Apošnija miesiacy jana nie ruchałasia samastojna, była prykavanaj da łožka. Jaje dahladaŭ 88-hadovy muž, tata Łarysy, pra heta piša «Radyjo Svaboda».
Byłuju žurnalistku zatrymali ŭ Homieli 6 śniežnia 2022 hoda. Jaje syna Śviatasłava źmiaščali ŭ prytułak. Paźniej jon viarnuŭsia da svajakoŭ.
Łarysu Ščyrakovu abvinavacili ŭ «dyskredytacyi Respubliki Biełaruś» (artykuł 369-1 Kryminalnaha kodeksa). Viadoma, što joj dadali jašče adzin kryminalny artykuł. Ale advakat maje padpisku ab nierazhałošvańni, tamu hety artykuł nieviadomy. Spravu ŭžo pieradali ŭ sud dla razhladu.
30 maja Łarysa mieła pieršaje spatkańnie z synam u homielskim SIZA.
Čytajcie taksama:
Spravu žurnalistki Łarysy Ščyrakovaj pieradali ŭ sud
Žurnalistka Łarysa Ščyrakova za kratami adznačaje 50-hodździe