Vieślaroŭ ź Biełarusi i Rasii nie dapuścili da čempijanatu śvietu ŭ Hiermanii
Pra niadopusk biełaruskich i rasijskich atletaŭ da suśvietnaha forumu pa viesłavańni na bajdarkach i kanoe paviedamiŭ hałoŭny trenier zbornaj Rasii Alaksandr Kastahłod. Abhruntavali hetaje rašeńnie «niemahčymaściu zabiaśpiečyć biaśpieku spartoŭcam».
«Rasijskija i biełaruskija spartoŭcy nie mohuć uziać udzieł u hetych turnirach z pryčyny taho, što niemcy nie mohuć harantavać biaśpieku», — pracytavaŭ list arhanizataraŭ Kastahłod.
U červieni vykankam Mižnarodnaj fiederacyi viaślarnaha sportu pryniaŭ rašeńnie, što biełaruskija i rasijskija spartoŭcy ŭ abmiežavanaj kolkaści zmohuć udzielničać u čempijanatach śvietu. Asnoŭnaja ŭmova — nie padtrymlivać rasijskuju ahresiju suprać Ukrainy.
Ale apošniaje słova zastavałasia za arhanizatarami spabornictvaŭ, a jany vyrašyli ŭvohule nie dapuskać rasijskich i biełaruskich vieślaroŭ da startu.
Čempijanat śviet pa viesłavańni na bajdarkach i kanoe projdzie ŭ niamieckim Dujsburhu 23-27 žniŭnia. Hetyja spabornictvy — adboračnyja na Alimpijadu 2024 hoda.
Čytajcie taksama:
Na pasadu hałoŭnaha treniera futbolnaj zbornaj Biełarusi razhladajecca lehienda «Barsiełony» — BF
Sabalenka: Ja nie źbirajusia bolš havaryć pra palityku
U Biełarusi praviali čempijanat Jeŭropy pa vielmi dziŭnym vidzie sportu