Na pasadu hałoŭnaha treniera futbolnaj zbornaj Biełarusi razhladajecca lehienda «Barsiełony» — BF
Chase Maryja Bakiera — kandydat na pasadu hałoŭnaha treniera zbornaj Biełarusi, jak paviedamlaje «Biełaruski futboł».
Bakiera hulaŭ za «Reał Saśjedad» u 1980-1988 hadach i pryjazdžaŭ, darečy, u Minsk na matč Kubka UEFA ŭ listapadzie 1987 hoda (0:0), paśla hulaŭ za «Barsiełonu» (1988-1997).
Za 9 hadoŭ u katałonskim kłubie Chase Maryja Bakiera dasłužyŭsia da kapitana, zhulaŭ u 339 sustrečach, zabiŭ 94 hały i vyjhraŭ 14 trafiejaŭ, uklučajučy Lihu čempijonaŭ.
Raniej 60-hadovy ispanski śpiecyjalist uvachodziŭ u trenierskija štaby «Barsiełony» i «Valensii». Byŭ spartyŭnym dyrektaram «Reała Saśjedada», a paźniej i hałoŭnym trenieram kłuba.
U siezonie 2010/11 uznačalvaŭ polski «Lech», kali tam hulaŭ biełaruski paŭabaronca Siarhiej Kryviec.
Pracavaŭ u roznych strukturach junackich i moładzievych kamand «Barsiełony». Byŭ kiraŭnikom skaŭckaha biuro «Sinie-hranatavych».
Ciapier zajmaje pasadu hałoŭnaha treniera bałharskaj «Słavii». U minułym siezonie kłub finišavaŭ na 8-m miescy.
Na minułym tydni Fiederacyja futboła zvolniła Hieorhija Kandraćjeva z pasady hałoŭnaha treniera nacyjanalnaj zbornaj.
Kandraćjeŭ u druhi raz uznačaliŭ zbornuju ŭ 2021 hodzie, za hety čas kamanda zdabyła tolki adnu aficyjnuju pieramohu. Pryčym u apošnim matčy pad kiraŭnictvam treniera nad zbornaj Kosava, pierad hetym prajhraŭšy try matčy ŭ adbory da Jeŭra-2024.
BFF paabiacała pryznačyć novaha treniera ŭ najbližejšy čas, pryčym paviedamlałasia, što novym koŭčam moža stać zamiežny śpiecyjalist. U 2007-2011 hadach zbornuju treniravaŭ niemiec Biernd Štanhie.
Juraś Ziankovič raskazaŭ pra svajo vyzvaleńnie i šlach u ZŠA6
Kamientary