Adnaŭleńnie Krymskaha mosta adkłali jašče na niekalki miesiacaŭ
Rasijski ŭrad pryniaŭ rašeńnie ab padaŭžeńni terminaŭ adnaŭleńnia Krymskaha mosta, paškodžanaha paśla padryvaŭ vosieńniu 2022-ha i letam 2023 hoda. Ciapier raboty pa adnaŭleńni mosta buduć vykonvacca da 31 śniežnia 2023 hoda, havorycca na aficyjnym sajcie pravavoj infarmacyi.
Fota: Pres-słužba vice-premjera Marata Chusnulina
Vice-premjer Rasii Marat Chusnulin raniej zajaŭlaŭ pra namier adnavić dvuchbakovy ruch aŭtamabilaŭ pa adnym boku mosta da 15 vieraśnia, a pa druhim — da 1 listapada. Pry hetym jon pryznavaŭ, što nie atrymajecca adnavić most tak ža chutka, jak paśla pieršaha ŭdaru ŭ kastryčniku minułaha hoda, bo adzin 600-tonny pralot byŭ całkam razburany.
Pavodle papiarednich acenak Chusnulina, adnaŭleńnie Krymskaha mosta paśla jahonaha niadaŭniaha padryvu składzie ad 1 da 1,3 miljarda rasijskich rubloŭ (kala 11-14 miljonaŭ dalaraŭ). Prytym heta suma paźniej moža vyraści.
Nahadajem, što ŭ noč na 17 lipienia na Krymskim moście adbylisia dva vybuchi. U vyniku adzin pralot abrynuŭsia, zahinuli dva čałavieki. Miarkujecca, što padryŭ byŭ ździejśnieny ŭkrainskimi padvodnymi dronami, choć aficyjna Kijeŭ svajho ŭdziełu nie pryznavaŭ.
Čytajcie taksama:
Źjavilisia spadarožnikavyja zdymki paškodžanaha Krymskaha mosta FOTA
Vybuch na Krymskim moście. Zahinuli dva čałavieki. Ruch transpartu prypynieny