Adnavić Krymski most hetak ža lohka, jak minułym razam, nie atrymajecca — rasijski vice-premjer
Vice-premjer urada Rasii Marat Chusnulin zajaviŭ, što košt adnaŭleńnia Krymskaha mosta paśla jahonaha niadaŭniaha padryvu składzie ad 1 da 1,3 miljarda rasijskich rubloŭ (kala 11—14 miljonaŭ dalaraŭ). Prytym heta suma paźniej moža vyraści.
Na hety momant, jak padkreśliŭ čynoŭnik, hruzaviki nie zmohuć vykarystoŭvać most ź mierkavańniaŭ biaśpieki. Častku pralota mosta daviadziecca demantavać, bo jaje nielha adramantavać. 18 lipienia na Krymskim moście byŭ adnoŭleny ruch lehkavych aŭtamabilaŭ u abodva baki, ale reviers robicca tolki na paškodžanym učastku.
Pa słovach Chusnulina, adnavić dvuchbakovy ruch mašyn pa adnym baku papiarednie płanujecca da 15 vieraśnia, pa druhim — da 1 listapada.
Raniej Siarhiej Pachomaŭ, staršynia kamiteta Dziarždumy pa budaŭnictvie i ŽKH, nazvaŭ biahučuju situacyju na Krymskim moście mienš krytyčnaj u paraŭnańni z papiarednimi vybuchami, jakija adbylisia vosieńniu 2022 hoda. Chusnulin ź im nie pahadziŭsia: choć apory mosta nibyta i nie paciarpieli, ale adzin 600-tonny pralot całkam razburany, tamu adnavić most hetak ža lohka, jak paśla pieršaha ŭdaru ŭ kastryčniku minułaha hoda, budzie niemahčyma.
«Tut nie atrymlivajecca hetaja technałohija, — cytuje jaho TASS. — Tamu budziem, chutčej za ŭsio, budavać časovy 250-mietrovy most, ź jakoha budziem pracavać i vielikahruznymi kranami budziem padymać hetyja praloty».
Čytajcie taksama:
Źjavilisia spadarožnikavyja zdymki paškodžanaha Krymskaha mosta FOTA
Vybuch na Krymskim moście. Zahinuli dva čałavieki. Ruch transpartu prypynieny
Ciapier čytajuć
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu3
Kamientary