Na pradpryjemstvach Lidy praviali masavyja zatrymańni
Pavodle paviedamleńnia kanała «Zatrymańni, sudy ŭ Lidzie», na lidskich pradpryjemstvach AAT «Lidachlebapradukt» i AAT «Łakafarba» dniami prajšli masavyja zatrymańni.
Jak piša kanał, 6 vieraśnia na abodvuch pradpryjemstvach ludziej zatrymlivali za padpiski i raspaŭsiud «ekstremisckich materyjałaŭ».
Na AAT «Łakafarba» zatrymali 6 čałaviek. Siońnia, 7 vieraśnia, ich vypuścili, vypisaŭšy kožnamu štrafy pa 10 bazavych vieličyń i bolšyja.
Na aficyjnym kanale AAT «Łakafarba» siońnia ranicaj źjaviŭsia post sa spasyłkaj na sajt Ministerstva infarmacyi, dzie raźmieščany «respublikanski śpis ekstremisckich materyjałaŭ», u jaki apošnija try hady ŭklučajecca ŭsio, što maje choć by niejkaje padabienstva da vykazvańnia alternatyŭnych aficyjnaj viersii pohladaŭ na roznyja pytańni, navat z samym biaskryŭdnym źmiestam.
Čytajcie taksama:
Sud u Kruhłym druhi raz asudziŭ Alinu Horavu: joj dali paŭtara hoda chatniaj chimii
Siłaviki zatrymali prahramista paśla taho, jak jon «adkazaŭ u hrubaj formie i pakłaŭ słuchaŭku»
Baćku palitźniavolenaha padletka Mikity Załatarova aryštavali jašče na 15 sutak
Palitviazień Siarhiej Monič nie vyjšaŭ na volu pa zakančeńni terminu
Pravaabaroncy paviedamlajuć pra masavyja zatrymańni na Homielščynie