Sud u Kruhłym druhi raz asudziŭ Alinu Horavu: joj dali paŭtara hoda chatniaj chimii
Alinu sudzili druhi raz pa abvinavačvańni ŭ hrubym parušeńni hramadskaha paradku (častka 1 artykuła 342 KK).
Horavu sudzili druhi raz — pa abvinavačvańni ŭ hrubym parušeńni hramadskaha paradku (častka 1 artykuła 342 KK). Razam ź joj sudzili Alesiu Fryhinu i Paŭła Tałanava. Fryhinaj pryznačyli 1,5 hoda chatniaj chimii, Tałanavu — 2 hady, piša «Miedyjazona».
Rašeńnie pa pieršaj spravie Horavaj, dzie joj pryznačyli hod chatniaj chimii, skasavanaje. Prakuror apratestavaŭ prysud, u spravie «znajšli pamyłki», pa im pryznačany novy razhlad. Padčas abviaščeńnia prysudu pa druhoj spravie sudździa skazała, što Horava «raniej nie sudzimaja».
Alinu Horavu zatrymali 27 sakavika — u dzień, kali jana atrymała dypłom hieadezista na vypusknym u Barysaŭskim filijale BNTU. Praz try dni joj vyklikali chutkuju ŭ RAUS, ale nie špitalizavali. 31 sakavika dziaŭčynu pieraviali ŭ SIZA i tam jaje stan pahoršyŭsia: pačalisia kryvacioki, abvastrylisia chraničnyja zachvorvańni.
30 maja sud Kruhlanskaha rajona prysudziŭ Alinu Horavu da hoda chatniaj chimii (častka 1 artykuła 342 KK). 12 červienia Horavu znoŭ zatrymali — pa jašče adnym epizodzie ŭdziełu ŭ akcyi pratestu ŭ Miensku ŭ 2020 hodzie. Fatahrafiju z pratestu znajšli ŭ telefonie.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary