U novy pakiet jeŭrapiejskich sankcyj trapili 12 biełaruskich čynoŭnikaŭ i vajskoŭcaŭ. Raniej kazali pra 11
U 12-y pakiet antyrasijskich sankcyj, jaki 18 śniežnia zaćvierdziła Rada Jeŭrasajuza, uvajšli 12 biełaruskich vajskoŭcaŭ i čynoŭnikaŭ, piša Reform.by.
Fota: Valeriy Voennyy / vecteezy.com
Proźviščy i pasady čynoŭnikaŭ, jakija patrapili hetym razam pad sankcyi:
- pieršy namieśnik staršyni Dziaržaŭnaha vajskova-pramysłovaha kamiteta Aleh Miščanka;
- namieśnik dziaržaŭnaha sakratara Rady biaśpieki Alaksandr Rachmanaŭ;
- načalnik 230-ha ahulnavajskovaha palihona ŭ Baranavickim rajonie Alaksiej Łabko;
- pieršy namieśnik dziaržaŭnaha sakratara Rady biaśpieki Pavieł Muraviejka;
- načalnik Departamienta mižnarodnaha vajskovaha supracoŭnictva Minabarony Valeryj Ravienka;
- staršynia Kamiteta dziaržaŭnaha kantrolu Vasil Hierasimaŭ;
- načalnik 174-ha navučalnaha palihona vajskova-pavietranych sił i vojskaŭ SPA Vital Jafanaŭ;
- kamandzir 61-j avijabazy ŭ Baranavičach Leanid Davidovič;
- namieśnik načalnika Hienieralnaha štaba Uzbrojenych sił Biełarusi Siarhiej Łahadziuk;
- načalnik homielskaha filijała dziaržaŭnaha pradpryjemstva «Biełaeranavihacyja» Uładzimir Čaravuchin;
- namieśnik staršyni Dziaržaŭnaha vajskova-pramysłovaha kamiteta Biełarusi Viačasłaŭ Rasałaj.
Hetyja 11 proźviščaŭ nazyvalisia jašče tady, kali havorka išła tolki pra prajekt sankcyj. Ale ŭ vynikovym śpisie proźviščaŭ 12, da vyšejpieraličanych dadaŭsia jašče načalnik bresckaha filijała «Biełaeranavihacyi» Alaksandr Dakučyc.
Akramia taho, pad sankcyi taksama patrapiła ŭradženka Viciebska Halina Kaciuščanka, jakaja była staršynioj «vybarčaj kamisii» ŭ akupavanaj častcy Zaparožskaj vobłaści.
Čytajcie taksama:
Aŭstryja razbłakavała sankcyi suprać Rasii. Ale Ukraina pajšła joj na sastupki pa banku Raiffeisen
Zachodnija krainy mohuć kanfiskavać zamarožanyja aktyvy Rasii «ŭ adpaviednaści ź mižnarodnym pravam»