U prajekt 12-ha pakieta sankcyj Jeŭrasajuza za vajnu va Ukrainie trapili 11 biełarusaŭ

U novy pakiet sankcyj, jakija płanuje ŭvieści Jeŭrasajuz suprać Rasii i Biełarusi, mohuć uvajści 11 pradstaŭnikoŭ abaronnaj śfiery Biełarusi. Ich abmiažujuć u mahčymaści atrymać vizy i zamaroziać aktyvy.

Jak stała viadoma «Radyjo Svaboda», siarod ich:

• pieršy namieśnik staršyni Dziaržaŭnaha vajskova-pramysłovaha kamiteta Aleh Miščanka, za pavieličeńnie pastavak uzbrajeńnia i vajskovaj techniki ŭ Rasiju;
  
  
• namieśnik dziaržaŭnaha sakratara Rady biaśpieki Alaksandr Rachmanaŭ (za prasoŭvańnie vajskova-techničnaj supracy z Rasijaj);
  
  
• načalnik 230-ha ahulnavajskovaha palihona ŭ Baranavickim rajonie Alaksiej Łabko (za padrychtoŭku na palihonie mabilizavanych rasijan);
  
  
• pieršy namieśnik dziaržaŭnaha sakratara Rady biaśpieki Pavieł Muraviejka (za zabieśpiačeńnie raźvićcia rehijanalnaj hrupoŭki vojskaŭ Biełarusi i Rasii);
  
  
• načalnik Departamienta mižnarodnaha vajskovaha supracoŭnictva Minabarony Valeryj Ravienka (za arhanizacyju i realizacyju vajskovaj supracy z Rasijaj);
  
  
• staršynia Kamiteta dziaržaŭnaha kantrolu Vasil Hierasimaŭ;
  
  
• načalnik 174-ha navučalnaha palihona vajskova-pavietranych sił i vojskaŭ SPA Vital Jafanaŭ (adkazvaŭ za padrychtoŭku rasijskich mabilizavanych);
  
  
• kamandzir 61-j avijabazy ŭ Baranavičach Leanid Davidovič (bazu vykarystoŭvali dla zapusku rakiet pa Ukrainie);
  
  
• namieśnik načalnika Hienieralnaha štaba Uzbrojenych sił Biełarusi Siarhiej Łahadziuk;
  
  
• načalnik Homielskaha filijała dziaržaŭnaha pradpryjemstva «Biełaeranavihacyja» Uładzimir Čaravuchin (adkazny za vykarystańnie homielskaha aeraportu dla samalotaŭ pavietrana-kaśmičnych sił Rasii);
  
  
• namieśnik staršyni Dziaržaŭnaha vajskova-pramysłovaha kamiteta Biełarusi Viačasłaŭ Rasałaj (adkazny za pieradaču Rasii ŭzbrajeńnia i vajskovaj techniki dla vajny va Ukrainie).

Čakajecca, što hałoŭnym u 12-m sankcyjnym pakiecie Jeŭrasajuza stanie zabarona handlu rasijskimi ałmazami i zvadkavanym hazam, a taksama imaviernaje ŭzmacnieńnie limitu cenaŭ na prodaž rasijskaj nafty.

Aproč taho, płanujuć zabaranić pastaŭki ŭ Rasiju chimičnych rečyvaŭ, lityjevych batarej, termastataŭ, ruchavikoŭ pastajannaha toku, matoraŭ dla bieśpiłotnikaŭ, stanki i detali abstalavańnia, jakija možna vykarystoŭvać u vajennaj pramysłovaści.

Jeŭrakamisija taksama razhladaje mahčymaść, kab jeŭrapiejskija kampanii, jakija kantralujuć hramadzianie Rasii abo rasijskija jurydyčnyja asoby, atrymlivali dazvoł na pieravod hrošaj za miežy Jeŭrasajuza.

Abmierkavańnie hetych prapanoŭ adbudziecca ŭ Brusieli na hetym tydni.

• 24
• 0
• 2
• 2
• 2
• 1
• 5
• 0