Aŭstryja razbłakavała sankcyi suprać Rasii. Ale Ukraina pajšła joj na sastupki pa banku Raiffeisen
Aŭstryja pahadziłasia źniać błakiroŭku 12-ha pakieta sankcyj Jeŭraźviaza suprać Rasii paśla taho, jak Ukraina vyklučyła jaje bank Raiffeisen ź pieraliku mižnarodnych sponsaraŭ vajny, piša «Jeŭrapiejskaja praŭda».
Pieršym ab razbłakavańni sankcyjnaha pakieta paviedamiŭ bruselski karespandent «Radyjo Svaboda» Rykard Joźviak. Jon napisaŭ, što Viena «źniała svaju pieraściarohu» i pryniaćcie pakieta adbudziecca na nastupnym tydni.
Reuters źviarnuŭ uvahu, što Nacyjanalnaje ahienctva Ukrainy pa pytańniach pieraduchileńnia karupcyi prybrała Raiffeisen ź pieraliku mižnarodnych sponsaraŭ vajny na svaim sajcie. Toje, što hetaja damoŭlenaść była častkaj kampramisu Vieny, paćvierdziŭ surazmoŭca ahienctva ŭ ES.
U rašeńni samitu ES, apublikavanym u čaćvier, 14 śniežnia, utrymlivałasia fraza ab tym, što ES «vitaje pryniaćcie» 12-ha pakieta sankcyj suprać Rasii. Ale paźniej stała viadoma, što jurydyčnaja damoŭlenaść jašče nie była dasiahnutaja, i jaje błakavała Aŭstryja z-za abjavy Raiffeisen mižnarodnym sponsaram vajny.
Raiffeisen zjaŭlajecca adnym z najvažniejšych finansavych kanałaŭ, pa jakim rasijskija biznesy ažyćciaŭlajuć apieracyi ŭ dalarach i jeŭra. Dziakujučy hetamu bank atrymlivaje vializnyja prybytki, ź jakich u tym liku finansuje biudžet krainy-ahresara svaimi padatkami.
-
Prykładna pałova ludziej, jakija vyžyli paśla teraktaŭ 11 vieraśnia, zachvareła na rak
-
U Francyi znoŭ abvastryłasia sprečka vakoł karciny Marka Šahała pad stollu Paryžskaj opiery
-
U Ńju-Jorku adnavili Viežy-bliźniaty ŭ naturalnuju vieličyniu z dapamohaj 2977 dronaŭ — pa kolkaści achviar terakta 11 vieraśnia
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie11
Kamientary