166 paciarpiełych. Vychavalnik dziciačaha sadka ŭ Šumilinie abvinavačvajecca ŭ hvałcie
Hvałt doŭžyŭsia 16 hadoŭ.
Paciarpiełymi ad dziejańniaŭ vychavalnika Šumilinskaha dziciačaha sadka №1, jaki nieadnarazova ździajśniaŭ u dačynieńni da małaletnich hvałtoŭnyja dziejańni seksualnaha charaktaru, pryznanyja 166 asob, paviedamiŭ hienieralny prakuror Andrej Švied u Pałacie pradstaŭnikoŭ na sumiesnym pasiadžeńni dźviuch pałat, piša BiełTA.
Hienprakuror paviedamiŭ, što ciapier sudom razhladajecca kryminalnaja sprava ŭ dačynieńni da vychavalnika Šumilinskaha dziciačaha sadka №1, jaki na praciahu 16 hadoŭ, z 2007 hoda, nieadnarazova ździajśniaŭ u dačynieńni da małaletnich hvałtoŭnyja dziejańni seksualnaha charaktaru.
Mužčynu zatrymali ŭ lutym 2023 hoda. U jaho znajšli 400 Hb dziciačaj parnahrafii, paviedamlała MUS letaś.
Taksama, dadaŭ Švied, rasśledujecca kryminalnaja sprava pa fakcie biaździejnaści ŭ dačynieńni da zahadčycy dziciačaha sadka, jakaja ihnaravała padazreńni baćkoŭ.
Čytajcie taksama:
U Mahilovie raskryli rezanansnaje zabojstva 11-hadovaj dziaŭčynki, što adbyłosia 25 hadoŭ tamu