U Mahilovie raskryli rezanansnaje zabojstva 11-hadovaj dziaŭčynki, što adbyłosia 25 hadoŭ tamu
U kancy lipienia 1998 hoda Mahiloŭ uzrušyła strašnaja navina: kala čyhunačnaha pierajezdu ŭ pryvatnym siektary źnikła 11-hadovaja Viera. Dziaŭčynku šukali milicyja, svajaki, susiedzi, ale pošuki ni da čaho nie pryviali. Praz dva dni hrybniki znajšli ŭ lesie vohnišča, a ŭ im — cieła zahinułaha dziciaci. Tady zabojcu znajści nie ŭdałosia, ale heta, jak śćviardžaje Śledčy kamitet, zrabili ciapier, praz čverć stahodździa.
Tady śledčyja vykazali zdahadku, što akramia zabojstva dziaŭčynka była zhvałtavanaja, a sproba spalić jaje cieła stała sposabam schavać ślady złačynstva.
Złačyncu šukali doŭha i staranna — abyšli susiedziaŭ, usich siabrovak dziaŭčynki. Akazałasia, što baćka adnoj ź ich, Nadziei, bačyŭ jaje apošnim, kali Viera zabiahała da siabroŭki ŭ hości. Ale tady mužčyna nie trapiŭ pad padazreńnie, pakolki jakich-niebudź začepak u śledčych nie było.
Praz 10 hadoŭ baćka Nadziei zhvałtavaŭ svaju dačku. Pryčym zahinułaja i paciarpiełaja dziaŭčynki vonkava pamiž saboj vielmi padobnyja: chudarlavyja, nievysokija, błakitnavokija, sa śvietłymi vałasami i cichim hołasam.
Svoj termin złačynca adbyvaŭ u Rasii, a letaś viarnuŭsia ŭ Mahiloŭ, kab aformić piensiju. Tut jaho i aryštavali pa padazreńni ŭ zabojstvie Viery. Paśla taho byli šmathadzinnyja dopyty, da zatrymanaha šukaŭ padychod psichołah. Znajšli śviedkaŭ, jakich raniej nie dapytvali, a kab znajści miesca, dzie ŭsio adbyłosia, pryjšłosia pryciahvać śpiecyjalistaŭ lashasa.
U vyniku akazałasia, što zahinułaja dziaŭčynka siabravała z dačkoj piedafiła. Tamu jana davieryłasia baćku siabroŭki i pryjšła ź im u les.
«Zajšli ŭ les. Ja razasłaŭ praścinu. Potym anuča na praścinie lažała. Ja ŭziaŭ hetuju anuču, rot zatknuŭ. Nu, potym ja jaje zhvałtavaŭ. Ja zabiŭ jaje. Ja pyrnuŭ nažom u śpinu. Kolki razoŭ nie pamiataju, ale adzin raz u śpinu. Potym ja halinki sabraŭ suchija, abkłaŭ jaje, abliŭ i padpaliŭ. Zaharełasia, ja pabieh uciakać», — raskazaŭ padazravany.
Ciapier abvinavačany pad vartaj, jamu pradjaŭlena abvinavačvańnie pa artykułach «Zhvałtavańnie zaviedama małaletniaj» i «Zabojstva, ździejśnienaje z metaj schavać inšaje złačynstva abo palehčyć jaho ździajśnieńnie». Takija abvinavačvańni ciahnuć na vyšejšuju mieru pakarańnia.
Materyjały kryminalnaj spravy pieradadzienyja ŭ prakuraturu dla dalejšaha nakiravańnia ŭ sud.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary