U Leninhradskaj vobłaści 25-hadovaja nastaŭnica zakruciła raman z 11-hadovym školnikam. Jaje aryštavali
Nastaŭnica ź Leninhradskaj vobłaści śćviardžaje, što pamiž imi nasamreč ničoha nie było. A pieršyja pakazańni jana dała pad ciskam śledčaha, piša Baza.
Pa słovach rodnych nastaŭnicy, u 11-hadovaha chłopčyka pačałosia aktyŭnaje pałavoje vyśpiavańnie i jon pačaŭ prajaŭlać znaki ŭvahi da 25-hadovaj Hanny jašče letaś.
Školnik adpraŭlaŭ joj paviedamleńni z pryznańniami ŭ kachańni i roznymi nieprystojnymi prapanovami. Rodnyja Hanny śćviardžajuć, što dziaŭčyna spačatku spakojna adkazvała na ŭsie jaho paviedamleńni, kab nie traŭmavać psichiku dziciaci.
Paviedamlajecca, što adnosiny burna stali raźvivacca z kastryčnika. Na pierapynkach jany začynialisia ŭ kabiniecie i pryznavalisia adzin adnamu ŭ kachańni.
Mama daviedałasia pra adnosiny syna i nastaŭnicy, ubačyŭšy jaho pierapisku ŭ «Vatsapie»: chłopčyk razmaŭlaŭ ź dziaŭčynaj na ščyryja temy i redka ŭspaminaŭ pra chatniaje zadańnie. Paźniej jon pryznaŭsia maci, što zakachaŭsia ŭ svaju novuju kłasnuju kiraŭnicu amal adrazu, u vieraśni, kali jana tolki pryjšła na pracu. Chłopiec akazvaŭ nastaŭnicy znaki ŭvahi, rabiŭ kamplimienty, i da kanca kastryčnika nastaŭnica pačała adkazvać jamu tym ža. Kazała pryjemnyja rečy, a zatym pačała hładzić pa hałavie.
Potym adnosiny raźvivalisia imkliva. Užo ź listapada vykładčyca i čaćviortakłaśnik začynialisia ŭ kabiniecie na pierapynku, całavalisia i «ździajśniali raspusnyja dziejańni, nie zdymajučy adzieńnie». Jak raspavioŭ chłopčyk (i paćvierdziła nastaŭnica), u ich było nie mienš za 10-15 sustreč u kłasnym kabiniecie.
Razmaŭlali jany nie tolki asabista, ale i ŭ miesiendžary: pryznavalisia ŭ kachańni, adpraŭlali adzin adnamu niudsy. Tak praciahvałasia da 31 studzienia, pakul maci chłopčyka nie ŭbačyła pierapisku. Žančyna adrazu ž źviarnułasia da dyrektara škoły i ŭ palicyju.
Nastaŭnicu zatrymali prosta padčas urokaŭ.
Rodnyja dziaŭčyny śćviardžajuć, što padčas dopytu śledčaja pierakanała Hannu napisać tłumačalnuju i ŭkazać, što nastaŭnica prosta zakachałasia ŭ chłopčyka. Śledčaja, pa słovach svajakoŭ Hanny, paabiacała, što ŭ takim vypadku nastaŭnicy vypišuć administratyŭku i praź niekalki dzion adpuściać. Paśla hetaha śledčaja nibyta sama napisała tekst ad ruki i dała Hańnie na podpis. Pry hetym advakata na hetym apytańni ŭ Hanny nie było.
Kali nieabchodnaje tłumačeńnie było atrymana, śledčaja padmanuła nastaŭnicu i zaviała kryminalnuju spravu, paśla čaho pajšła ŭ sud z chadajnictvam ab aryšcie dziaŭčyny.
Adnak sud admoviŭsia aryštoŭvać Hannu i adpraviŭ jaje pad chatni aryšt.
Dačka «baciuški sa svastykaj» viarnułasia da baćki, jaki jaje razbeščvaŭ. I da jaho pohladaŭ
Vieniera za kadram lubić inšy seks. Pornazorka-biełaruska raskazała ab pracy ŭ industryi intymnych filmaŭ
«Chaču pakazać dziaržavie, što jana daremna śpisała mianie ŭ raschod». Pajšoŭ vajavać eks-režysior «Jerałaša», asudžany za piedafiliju
Za seks z 13-hadovaj zatrymali 20-hadovaha i 27-hadovaha minčukoŭ. Ich pakazali na videa
Anžaliku Mielnikavu bačyli ŭ Minsku ŭ «Dana Mole»53
Kamientary