U Rasii paćvierdzili, što naŭmysna abstralali hipiermarkiet u Charkavie. Tam zahinuli 12 čałaviek

Kolkaść zahinułych u vyniku ŭdaru pa hipiermarkiecie «Epicentr» u Charkavie vyrasła da 12, 43 čałavieki paranieny. Rasija pryznała ŭdary pa Charkavie.

Ratavalnaja apieracyja ŭ Charkavie. Fota: dsns_telegram / Telegram

Kolkaść zahinułych u vyniku avijaŭdaru pa budaŭničym hipiermarkiecie «Epicentr vyrasła da 12, ź ich 10 jašče nie apaznanyja. Ranieńni atrymali 43 čałavieki. 

Ad rakietnaha ŭdaru pa centry horada, jaki adbyŭsia praź niekalki hadzin, paciarpieli 25 čałaviek, siarod ich 14-hadovy junak. 

Usiaho za sutki ŭ vyniku rasijskich udaraŭ pa Charkavu byli paranienyja 68 čałaviek, skazana ŭ paviedamleńni prakuratury. Danyja buduć abnaŭlacca. 

Rasijskija ŚMI sa spasyłkaj na «siłavyja struktury» pryznali ŭdar pa Charkavie. Jany zajaŭlajuć, što ŭ handlovym centry ŭkrainskija vajskoŭcy «zładzili vajskovy skład», jaki byŭ vyjaŭleny rasijskaj vyviedkaj. 

«U Charkavie źniščany vajskovy skład USU, raźmieščany ŭ handlovym centry», — napisaŭ TASS sa spasyłkaj na siłavyja struktury. 

Dniom 25 maja rasijskija vojski nanieśli ŭdar pa cyvilnaj zabudovie Charkava. Adzin udar pryjšoŭsia pa budaŭničym hipiermarkiecie, jašče adzin — pa parku.

@nashanivanews Biełarus, jaki vajavaŭ na baku Rasii, zahinuŭ pad Charkavam #lida #našaniva #biełaruś #chaŕkov #vojnavukrainie #biełorusy #vsrb ♬ DESTRUCTION - SCXR SOUL & NONTHENSE

Kamientary da artykuła