USU spynili rasiejcaŭ na Charkaŭskim kirunku i pierachodziać da kontrnastupleńnia — Hienštab
U Hienieralnym štabie USU zajavili, što siły abarony Ukrainy spynili rasijskija vojski na Charkaŭskim kirunku i pravodziać kontrnastupnyja dziejańni, piša «Ukrainskaja praŭda».
«Situacyja składanaja. Siły abarony praciahvajuć abaraniacca na ŭschodzie i poŭdni našaj dziaržavy, nanosiać ahniavoje paražeńnie supierniku. Asnoŭnyja dziejańni adbyvajucca na Charkaŭščynie, Danieččynie. Što tyčycca Charkaŭskaha kirunku — praciŭnik viadzie nastupalnyja apieracyi z metaj stvareńnia bufiernaj zony.
Ciapier vorah spynieny, situacyja kantralavanaja, pravodziacca kontrnastupalnyja dziejańni», — zajaviŭ pradstaŭnik hałoŭnaha apieratyŭnaha ŭpraŭleńnia Hienieralnaha štaba USU pałkoŭnik Ihar Pracharenka na bryfinhu ŭ miedyjacentry «Ukraina-Ukrinfarm» .
U Hienštabie taksama adznačyli, što akupanty pravodziać nastupalnyja dziejańni i na ŭschodzie Charkaŭščyny, płanujuć z uschodu abyści horad Kupiansk, ale pośpiechu nie majuć. Žorstkija bajavyja dziejańni praciahvajucca praktyčna ŭzdoŭž usioj linii frontu.
Hienštab zapeŭnivaje, što USU nanosiać rasiejcam ciažkija straty, aktyŭna pracuje ŭkrainskaja artyleryja, bieśpiłotnyja sistemy, zadziejničajecca avijacyja.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary