Były ministr justycyi Chamienka ciapier voźmiecca za mety ŭstojlivaha raźvićcia

Alaksandr Łukašenka padpisaŭ ukaz ab nacyjanalnym kaardynatary pa dasiahnieńni met ustojlivaha raźvićcia. Hetuju pasadu zojmie były ministr justycyi Siarhiej Chamienka. 

Siarhiej Chamienka

U krasaviku 2024 hoda Siarhieju Chamienku źniali z pasady kiraŭnika Miniusta i pryznačyli ŭ Saviet Respubliki, dzie jon ciapier źjaŭlajecca namieśnikam staršyni hetaha orhana Natalli Kačanavaj.

U Miniust Siarhiej Chamienka u kastryčniku 2021 hoda trapiŭ bieź nijakaj dla hetaha padrychtoŭki, pakolki da jurysprudencyi da taho času nie mieŭ anijakaha dačynieńnia, a słužyŭ u orhanach unutranych spraŭ. Pierad tym jon uznačalvaŭ Departamient achovy MUS, a sa śniežnia 2019 hoda zajmaŭ pasadu namieśnika ministra ŭnutranych spraŭ.

Zrešty, vialikich pravavych kampietencyj ad jaho nichto i nie patrabavaŭ, asnoŭnaj zadačaj było zabiaśpiačeńnie farmalnaj likvidacyi ŭsich biez razboru struktur hramadzianskaj supolnaści, a z hetym siłavik u kreśle ministra justycyi spraviŭsia bliskuča. Ciapier na čarzie — mety ŭstojlivaha raźvićcia.

Raniej pasadu nacyjanalnaha kaardynatara pa dasiahnieńni met ustojlivaha raźvićcia zajmaŭ Valeryj Bielski, tym ža samym ukazam jon vyzvaleny ad hetaj pasady.

Kamientary da artykuła