Ministr justycyi dekłaravaŭ nieabchodnaść zmahańnia z «nacmienami». Sam jon rodam z Danbasa, a ŭsiu karjeru rabiŭ u milicyi
Ministr justycyi Siarhiej Chamienka na pasiadžeńni kalehii Ministerstva 4 lutaha zajaviŭ, što «da liku najvažniejšych achoŭnych funkcyj dziaržavy adnosicca niedapuščeńnie dziejnaści niekamiercyjnych arhanizacyj, jakija mohuć spryjać naniasieńniu škody nacyjanalnym intaresam respubliki». Pry hetym užyŭ u dačynieńni da ich słova «nacmieny», to-bok «nacyjanalnyja mienšaści».
BiełTA cytuje słovy ministra:
«Ministerstva justycyi, adpaviednyja rehistrujučyja orhany pavinny stać nadziejnaj pieraškodaj dla ŭsiakaha rodu tak zvanych nacmienaŭskich jačejek i pravadnikom dla kanstruktyŭnych hramadskich arhanizacyj».
Ci aznačaje heta, što ŭ vyšejšych kiraŭničych kołach užo schilnyja razhladać zmahańnie z hramadzianskaj supolnaściu jak zmahańnie mižnacyjanalnaje, ź biełarusami jak takimi?
Sam Chamienka naradziŭsia na Danbasie ŭ 1966-m, u horadzie Jasinavataja, što ciapier znachodzicca pad kantrolem niepryznanaj DNR.
Da pryznačeńnia ministram justycyi Siarhiej Chamienka karjeru rabiŭ u MUS: unutranyja vojski, Departamient achovy i padobnaje.
Pry hetym u milicejskim asiarodku Chamienku krytykavali za niaŭmieńnie vykazvacca. Mahčyma, jon prosta nie razumieje značeńnia słova «nacmien», ale ŭstaviŭ jaho — jak hieroj adnaho tvora, u jakoha chvali pieralivalisia cieraz bort «imklivym damkratam».
Čytajcie taksama:
Siabruje z kiraŭnikom HUBAZiK. Što viadoma pra Siarhieja Chamienku, jaki staŭ novym ministram justycyi
Pieramieny ŭ Miniuście: ministram pryznačyli siłavika. Za što źniali Śližeŭskaha i što budzie dalej?
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary