Parašenka raskazaŭ, jak Łukašenka zaklikaŭ jaho vykarystoŭvać jahony vybarčy dośvied
Pra toje, što Łukašenka ahitavaŭ Piatra Parašenku padčas vybarčych kampanij vykarystoŭvać jahony dośvied, jak zastacca kala ŭłady kali nie nazaŭždy, to nadoŭha, sam čaćviorty prezident Ukrainy raskazaŭ padčas sustrečy ź biełaruskimi palitykami Anatolem Labiedźkam i Jurasiom Hubarevičam, paviedamlaje «Parłamiencki kanał».
Źleva naprava: Juraś Hubarevič, Piatro Parašenka, Anatol Labiedźka
Pa słovach Parašenki, Łukašenka nie trymaŭsia dypłamatyi i adkryta prapanoŭvaŭ nie addavać uładu, hałasavać pratakołami, a kali treba — to ŭžyvać i siłu. Jon, maŭlaŭ, i nie prychoŭvaŭ, što zastajecca va ŭładzie nie tamu, što jaho padtrymlivajuć vybarščyki, a tamu, što jon sam hetaha choča.
Piatro Parašenka zapeŭniŭ, što frakcyja «Jeŭrapiejskaja salidarnaść» u Viarchoŭnaj Radzie zastajecca nadziejnym siabram i partnioram demakratyčnaj Biełarusi. Pavodle jaho słoŭ, frakcyja budzie inicyjavać i prasoŭvać pryniaćcie admysłovaj rezalucyi pa situacyi ŭ Biełarusi. Punktam №1 Parašenka nazvaŭ vyzvaleńnie palityčnych viaźniaŭ.
Čytajcie taksama:
Parašenka pierabłytaŭ amierykanskaha palityka Majka Džonsana sa śpievakom Majkłam Džeksanam
Rasijskaje MUS paśla rozhałasu pierastała šukać Zialenskaha i Parašenku