Łukašenka abvinavaciŭ Zialenskaha ŭ pradažnaści i sprahnazavaŭ, što taho jak zdradnika zabjuć ukrainskija śpiecsłužby
Alaksandr Łukašenka ŭ intervju telekanału «Rasija» vykazaŭsia pra Uładzimira Zialenskaha, jaki, pavodle jaho słoŭ, u pierśpiektyvie moža akazacca ŭ roli zdradnika dla svajoj krainy. Słovy jaho cytuje BIEŁTA.
«Ja zaŭsiody Vałodziu Zialenskamu havaru: «Słuchaj, ułada tam [u ZŠA] pamianiajecca, i novy kiraŭnik skaža: «Ja nie viedaju, ja nie čuŭ» (havorka pra mahčymuju źmienu źniešniepalityčnych pryjarytetaŭ. — zaŭvaha BIEŁTA). Hetak ža było zaŭsiody. Tamu davaj budavać adnosiny z našych intaresaŭ i pryncypaŭ. Nie razumiejuć, — skazaŭ Alaksandr Łukašenka.
— Nu, heta ž u hałavu nie ŭkładzieš, kali ty zajmaŭsia nieviadoma čym, pryjšoŭ u palityku, i ty da hetaha nie hatovy. A jašče hrošy lubiš. Voś tabie hrošaj krychu dali, u Anhlii skazali: «Voś majontačak volny, za hetyja hrošy kupi». I jon budzie tam z Alenaj [žonkaj] siadzieć i ź dzietkami radavacca».
«Dy nie budzieš ty radavacca, ty budzieš dla svajho naroda zdradnikam. I ŭrešcie toj ža Kirył Budanaŭ [kiraŭnik Hałoŭnaha ŭpraŭleńnia raźviedki Minabarony Ukrainy] pašle kaho-niebudź — ciabie likvidujuć jak zdradnika. Voś i ŭsio.
Taksama treba nie vyklučać takuju mahčymaść», — namalavaŭ budučyniu Łukašenka.
U tym ža intervju jon skazaŭ, što «bojniu va Ukrainie raźviazali ŭkrainskija ašalełyja palityki-nacyjanalisty, narod vajavać nie źbiraŭsia». «Usiu hetuju bojniu zaviazali na maich vačach, jak vy ich nazyvajecie, «nacyki». Hetaja nacyjanalistyčnaja viarchuška na čale z Parašenkam, Zialenskim i hetak dalej. Heta jany vinavatyja. Dalej užo pajšło-pajechała. Pačatak jany pakłali. Ukrainski narod suprać nas (i my suprać ich) nie vajavaŭ i vajavać nie źbiraŭsia», — skazaŭ Łukašenka.
Nieviadomyja fakty pra simvały Łukašenki: siamiejnyja dramy, padtasoŭki i pramyja falsifikacyi
Łukašenka: Va Ukrainie byli b radyja, kab Rasija ŭžyła jadziernuju zbroju
Łukašenka pra svoj vychad z aŭtamatam u 2020-m: Kola broniekamizelku nakinuŭ — maci jaho zavyła
Łukašenka apraŭdvaŭsia na rasijskim TB za advod vojskaŭ ad ukrainskaj miažy
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary