«Radyjo Svaboda» nazvała biełaruskim słovam 2024 hoda «inkamunikada»
Miedyja 11-y raz vyznačaje «Biełaruskaje słova hoda»: zusim novaje, abo z novym značeńniem, abo vielmi važnaje sioleta. Čytačy sacyjalnych sietak razam z ekśpiertami vyłučajuć karotki śpis słovaŭ i hałasujuć, tłumačyć redakcyja «Radyjo Svabody».
Sioleta ź vialikim adryvam pieršaje miesca zaniało słova inkamunikada, što aznačaje poŭnuju izalacyju, pazbaŭleńnie suviazi z vonkavym śvietam. Słova adpaviadaje samym strohim kryteram vybaru, bo novaje dla biełaruskaje movy.
Vybar zrazumieły, tłumačyć redakcyja, pra najbolš viadomych palityčnych viaźniaŭ pierastali prychodzić źviestki. Tak mižnarodna-praŭny termin dla apisańnia hetaha śpiecyfičnaha sposabu katavańnia, raniej viadomy vuzkamu kołu jurystaŭ jak inšamoŭny, uvajšoŭ u ahulnuju leksiku biełaruskaje movy.
Taksama paraŭnalna vysokija vyniki ŭ sioletnim hałasavańni mieli słovy biasčaśsie, štučny intelekt (ŠI) i ekstremizm. Novyja dla biełaruskaje movy słovy šachied i aŭtarski navatvor Lavona Volskaha kalakaladny taksama byli ŭ finalnaj dziasiatcy.
Čytajcie taksama:
Oksfardski słoŭnik nazvaŭ słovam hoda «zaśmiečvańnie mozhu»