BIEŁ Ł RUS

U Varoniežskaj vobłaści aŭtobus z paranienymi na vajnie ŭrezaŭsia va «Urał» ź inšymi rasijskimi vajskoŭcami

14.12.2024 / 17:4

Nashaniva.com

DTZ adbyłosia napiaredadni, 13 śniežnia, u rajonie 23-j hadziny viečara na trasie «Varoniež-Łuhansk» u Kamienskim rajonie Varoniežskaj vobłaści. 5 vajskoŭcaŭ zahinuli, 46 paranienyja, paviedamlaje telehram-kanał Astra na padstavie śviedčańnia svaich krynic.

Skrynšot ź videa

Paviedamlajecca, što «Urał» z rasijskimi vajskoŭcami ździejśniŭ łabavoje sutyknieńnie z aŭtobusam. U hetym aŭtobusie pieravozili vajskoŭcaŭ, jakija atrymali ranieńni na vajnie z Ukrainaj.

Pra heta Astra paviedamili krynicy ŭ ekstrannych słužbach rehijonu, a taksama vidavočcy avaryi.

U vyniku DTZ zahinuli abodva kiroŭcy, 1 paranieny vajskoviec z aŭtobusa i 2 vajskoŭcy z «Urała». 46 rasijskich vajskoŭcaŭ paranienyja.

Infarmacyja pra avaryju taksama źjaviłasia biez detalaŭ u miascovych pablikach, aficyjnyja asoby jaje pakul nie kamientavali.

Čytajcie taksama:

Rasija pieradała Ukrainie cieły vajennapałonnych, jakija zahinuli pry krušeńni Ił-76 pad Biełharadam

U Rasii vajskovy lekar užyŭlaŭ askiepki bojeprypasaŭ dla imitacyi ranieńniaŭ i atrymańnia vypłat

Zialenski nazvaŭ svaju acenku strat na froncie ŭkraincaŭ i rasijan

U Rasii nazvali vulicu ŭ honar desanta, jaki pravaliŭ svaju apieracyju

Kamientary da artykuła