U Vilni paśla ramontu viarnuli na dom šyldu Branisłava Taraškieviča FOTA
Na vulicy Vilenskaj (Vilniaus), 37 u Vilni na dom narešcie paviesili šyldu Branisłava Taraškieviča. Pra heta paviedamiŭ Ihar Słučak na svajoj staroncy ŭ fejsbuku.
Fota Ihara Słučaka
Pamiatnaja šylda Branisłavu Taraškieviču była ŭstalavanaja na hetym domie 9 listapada 1994 hoda. Raniej heta byŭ dom № 12 pa vulicy Vilenskaj. Taraškievič žyŭ tut z 1923 pa 1926 hod.
Hod tamu šyldu źniali na čas ramonta doma. Siońnia, jak bačna na fotazdymku, jaje viartajuć na miesca.
Branisłaŭ Taraškievič (1892-1938) — adzin z samych viadomych i enierhičnych dziejačaŭ biełaruskaha ruchu pieršaj pałovy XX stahodździa, aŭtar znakamitaj «Biełaruskaj hramatyki dla škoł», kiraŭnik Biełaruskaha pasolskaha kłuba i Biełaruskaj sialanska-rabotnickaj hramady. Źniavoleny ŭ polskaj turmie, jon u 1933 hodzie byŭ abmianiany na Franciška Alachnoviča, paśla čaho nieŭzabavie trapiŭ užo ŭ turmu savieckuju, u jakoj zahinuŭ.
Čytajcie taksama:
U sutareńniach vilenskaj katedry znajšli schavanyja ŭ 1939-m karony vialikich kniazioŭ
U Lidzie źjavicca pomnik paetu Valancinu Taŭłaju
Haradziency prasili ŭstalavać miemaryjalnuju došku ŭ honar Vasila Bykava. Voś što adkazali čynoŭniki