U Lidzie ŭ nastupnym hodzie źjavicca pomnik biełaruskamu paetu Valancinu Taŭłaju. Płanujecca, što jon budzie adkryty 7 vieraśnia 2025 hoda ŭ Dzień biełaruskaj piśmiennaści, jaki budzie ŭ siabie prymać hety zachodniebiełaruski horad, piša radyjo «Racyja».
Bronzavy pomnik budzie stajać na ŭskrainie horada, na skryžavańni vulic Taŭłaja i Kačana. Ciapier na jaho abjaŭleny adkryty konkurs eskiznych prajektaŭ.
Valancin Taŭłaj naradziŭsia 8 lutaha 1914 hoda ŭ Baranavičach u siamji čyhunačnika. Dziacinstva prajšło ŭ vioscy Rudaŭka na Słonimščynie.
Pačatkovuju adukacyju Valancin atrymaŭ u polskaj škole ŭ Lidzie, a ŭ 1927-1929 hadach vučyŭsia ŭ Vilenskaj biełaruskaj himnazii. Simpatyzavaŭ kamunistam, pravodziŭ padpolnuju dziejnaść, za što nieadnarazova źniavolvaŭsia. Apošni raz byŭ asudžany na 8 hadoŭ turmy.
U 1939 hodzie, paśla vychadu z turmy paśla prychodu ŭ Zachodniuju Biełaruś savieckich vojskaŭ, pasialiŭsia ŭ Lidu, dzie žyŭ u domie Kiry Brant, svajoj pieršaj žonki, pracujučy ŭ redakcyi rajonnaj haziety «Upierad». U hety pieryjad zajmaŭsia tvorčaj pracaj, rychtavaŭ da druku vieršy dla svajho zbornika «Šlachi i kraty».
Paśla vajny Valancin Taŭłaj pierabraŭsia ŭ Minsk, dzie ŭ 1945 — 1947 hadach pracavaŭ navukovym supracoŭnikam, namieśnikam dyrektara Litaraturnaha muzieja Janki Kupały. Pamior 27 krasavika 1947 hoda ad chvaroby serca va ŭzroście 33 hadoŭ.
Pachavany ŭ Minsku na Vajskovych mohiłkach.
Jahonym imiem nazvanyja vulicy ŭ Baranavičach, Hrodnie, Lidzie i Maładziečnie, biblijateki ŭ Baranavičach i Lidzie. U 2014 hodzie da 100-hodździa paeta «Biełpoštaj» byŭ vypuščany admysłovy kanviert, a ŭ Lidzie adkrytyja dźvie pamiatnyja šyldy na budynku redakcyi «Lidskaj haziety» («Upierad»), u jakoj jon pracavaŭ, i na domie, u jakim jon žyŭ u 1939—1941 hadach.
Rabotniki dziciačych sadoŭ z Baranavičaŭ šakavali «viedami» ŭ krajaznaŭstvie
Haradziency prasili ŭstalavać miemaryjalnuju došku ŭ honar Vasila Bykava. Voś što adkazali čynoŭniki
Krajaznaŭcy Žodzina pakazali, jak razburajecca Bahusłaŭ Pole — miesca, dzie pačałasia historyja horada
Padobna, što ŭ Oršy sioleta «admianili» ŭhodki Uładzimira Karatkieviča
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu2
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary