Donald Tramp zajaviŭ pra ŭdar pa «abjektach terarystaŭ» u Samali
Prezident ZŠA Donald Tramp u sacsietcy Truth Social zajaviŭ, što ranicaj 1 lutaha jon addaŭ zahad ab naniasieńni avijaŭdaru pa abjektach bajevikoŭ, źviazanych z «Isłamskaj dziaržavaj», na terytoryi Samali.
Donald Tramp. Fota: Chip Somodevilla / Getty Images
Tramp śćviardžaje, što ŭ vyniku ataki było zabita «mnostva terarystaŭ, pry hetym nie było pryčyniena nijakaj škody mirnym žycharam».
«Pasłańnie IDIŁ i ŭsim astatnim, chto choča napaści na amierykancaŭ, abviaščaje: «My znojdziem vas i zabjem!», — napisaŭ prezident ZŠA.
Niejkich bolš kankretnych danych pra vyniki ŭdaru jon nie pryvodziŭ.
Ministr abarony ZŠA Pit Chiehset udakładniŭ, što avijaŭdary nanosilisia pa bajevikach u harach Holis. Jon padkreśliŭ, što rašeńnie było pryniata ŭ kaardynacyi ź fiederalnym uradam Samali, jaki nie kantraluje bolšaść terytoryi krainy.
Čytajcie taksama:
Administracyja Trampa choča, kab va Ukrainie sioleta prajšli vybary
U Biełym domie pačali abmiarkoŭvać zakryćcio USAID jak niezaležnaha ahienctva
Tramp: Kanada, Mieksika i Kitaj nie zmohuć adkłaści ŭviadzieńnie amierykanskich pošlin
Z 1 lutaha ZŠA ŭvodziać vysokija myty suprać tavaraŭ z Kitaja, Kanady i Mieksiki