Tramp zajaviŭ, što jany z Pucinym mohuć zrabić niešta «značnaje» dla spynieńnia vajny Rasii va Ukrainie
Prezident ZŠA ŭ piatnicu zajaviŭ, što jaho administracyja ŭžo praviała vielmi surjoznyja dyskusii z Rasijaj nakont jaje vajny va Ukrainie, i što jon i Uładzimir Pucin mohuć nieŭzabavie pryniać «značnyja» miery dla spynieńnia vajny, piša Assosiated Press.
Pucin i Tramp u červieni 2019 hoda ŭ japonskaj Osacy. Fota: AP Photo/Susan Walsh, File
«My budziem havaryć i, ja dumaju, mahčyma, zrobim niešta, što budzie značnym. My chočam pakłaści kaniec hetaj vajnie. Hetaja vajna nie pačałasia b, kali b ja byŭ prezidentam», — skazaŭ jon.
Tramp nie skazaŭ, chto ź jahonaj administracyi kantaktavaŭ z rasijanami, ale pierakonvaŭ, što abodva baki «ŭžo razmaŭlajuć».
Na pytańnie, ci havaryŭ jon užo naŭprost z Pucinym, Tramp adkazaŭ strymana: «Ja nie chaču hetaha kazać».
Kamientary