U Rasii adnaŭlajuć muzyčny konkurs časoŭ brežnieŭskaha zastoju
Uładzimir Pucin padpisaŭ ukaz ab praviadzieńni ŭ Rasii ŭ 2025 hoda muzyčnaha konkursu «Interbačańnie».
Mižnarodnuju alternatyvu «Jeŭrabačańniu» ŭ 2023 hodzie prapanavała pravieści rasijskaja ministarka kultury Volha Lubimava. Čakałasia, što jon adbudziecca ŭ 2024 hodzie, ale ruki da realizacyi inicyjatyvy ŭ rasijskich uładaŭ dajšli tolki ciapier.
Staršynioj arhanizacyjnaha kamiteta konkursu Pucin pryznačyŭ vice-premjera rasijskaha ŭrada Dźmitryja Čarnyšenku. Miarkujecca, što konkurs praviaduć u Maskvie i Padmaskoŭi.
Udzielničać u sapraŭdnym «Jeŭrabačańni» Rasija straciła prava ŭ 2022 hodzie paśla napadu na Ukrainu, Biełaruś ža straciła siabroŭstva ŭ Jeŭrapiejskim viaščalnym sajuzie ŭ 2021 hodzie praz parušeńnie pravoŭ čałavieka ŭ krainie paśla vybaraŭ 2020 hoda.
Raniej konkurs «Interbačańnie» pravodziŭsia ŭ 1965—1968 i 1977—1983 hadach. U 1965—1968-m jon prachodziŭ u roznych haradach Čechasłavakii, u 1977—1983 — u polskim Sopacie. Udzieł u im brali pieradusim vykanaŭcy z krain sacyjalistyčnaha łahiera.
U 2008 hodzie ŭ Rasii ŭžo rabili sprobu adradzić hety konkurs, ale paśla jaho razavaha praviadzieńnia ŭ Sočy praciahu inicyjatyva nie atrymała.
Čytajcie taksama:
Sioleta Małdova nie budzie ŭdzielničać u «Jeŭrabačańni»
U polskim finale adboru na «Jeŭrabačańnie» prahučyć pieśnia na padlaskaj havorcy
Jon byŭ pieršym biełarusam na «Jeŭrabačańni» i zorkaj, jakuju viedała ŭsia kraina — Michaił Finbierh