U polskim finale adboru na «Jeŭrabačańnie» prahučyć pieśnia na padlaskaj havorcy
Duet Niczos i Sw@da, jaki spałučaje kłubnyja aranžyroŭki z tradycyjnym śpievam i repam na padlaskaj havorcy i biełaruskaj movie, zdoleŭ prabicca ŭ finalny etap nacyjanalnaha adboru, piša Most.
Niczos — śpiavačka Nika Jurčuk ź Bielska Padlaskaha, Sw@da — polska-kałumbijski pradziusar ź Biełastoka. Ich muzyka adlustroŭvaje ŭnikalnuju kulturu Padlašša i spałučaje sučasnyja rytmy z falkłornymi matyvami rehijona. U finale duet vykanaje pieśniu Lusterka.
«My absalutna ździŭlenyja! Ale kali čamu i vučymsia na Padlaššy ad ludziej vakoł nas, dyk heta asablivamu charaktaru hetych ludziej i miaścin. Heta toje, što dazvalaje nam rabić muzyčnyja daśledavańni, jakija my lubim. Konkursy — heta kłasna, bo jany dapamahajuć pašyrać koła ŭdzielnikaŭ Podlasie Bounce Crew, dałučajučy novych ludziej da tancaŭ prodkaŭ i muzyki faveł z usiaho śvietu. Ale najpierš my chočam praciahvać rabić toje, što robim. Pa-svojmu. Dziakujučy vam padlaskaja mova ŭpieršyniu prahučyć u polskim finale Jeŭrabačańnia!» — padzialiŭsia duet u svaim Instagram.
Polski finał adboru Eurovision adbudziecca 14 lutaha na kanale TVP2. U finalny śpis trapiła 10 kalektyvaŭ i vykanaŭcaŭ. Pieramožca pradstavić Polšču na mižnarodnym konkursie ŭ Šviejcaryi ŭ 2025 hodzie.
-
«Uschodni hihant», a sceny na kancercie — «vartyja Dante». Jak upłyvovaje polskaje vydańnie raskazała pra Maksa Karža palakam
-
«Nie vajnie!» Jak Maks Korž razryvaŭ Varšavu i pra što kazaŭ na svaim kancercie? REPARTAŽ
-
Biełaruskaja skrypačka daść u Łondanie pieršy kancert, całkam pryśviečany sučasnaj biełaruskaj akademičnaj muzycy
Ciapier čytajuć
Biełarusam stała składaniej lehalizavacca ŭ Polščy — tam bolš nie prymajuć vydadzienyja ŭ BSSR dakumienty i patrabujuć apastyli6
Kamientary