U Minsuviazi raskazali, kali ŭ Biełarusi źjavicca 5G
Ułady płanujuć na praciahu piaci nastupnych hadoŭ palepšyć jakaść suviazi pa ŭsioj Biełarusi i padrychtavali dakumienty da ŭkaranieńnia 5G. Jany ŭžo hatovyja, ciapier treba dačakacca pryniaćcia rašeńnia, zajaviŭ u efiry STB načalnik upraŭleńnia elektrasuviazi i rehulavańnia radyjočastotnaha śpiektru Minsuviazi i infarmatyzacyi Dźmitryj Korzun.
Fota ilustracyjnaje
«Minsuviazi čakaje, što rašeńnie budzie ŭ pieršym kvartale hetaha hoda. My ŭžo prajšli vialiki šlach. I siońnia ŭ pastanovie Saŭmina možna ŭbačyć patrabavańni da sietki LTE», — skazaŭ čynoŭnik.
Pavodle jaho słoŭ, u pastanovie prapisanyja paramietry pavieličeńnia chutkaści pieradačy danych. U 2030 hodzie jana pavinna skłaści 70 miehabit u siekundu dla abanienta ŭ Minsku, u abłasnym centry — 60 miehabit, na astatniaj terytoryi — kala 30 miehabit.
«Kali heta budzie realizavana, a heta budzie realizavana, tady ciažkaściaŭ z suviaźziu ŭ nas nie budzie», — zapeŭniŭ Dźmitryj Korzun.
Čynoŭnik dadaŭ, što patrabavańni da sietak piataha pakaleńnia suviazi na paradak vyšejšyja.
«Da 2030 hoda, my miarkujem, kali ŭsio budzie realizavana, prablem nie budzie, i my źnimiem nakał, jaki isnuje siońnia», — upeŭnieny pradstaŭnik Minsuviazi.
Čytajcie taksama:
Try scenary, pa jakich «Biełtelekam» stanie mabilnym apierataram
Suviaź 5G chutka pryjdzie ŭ Biełaruś, ale času spatrebicca šmat
Ministr suviazi: 5G — heta ŭsiaho tolki technałohija. Karystalniku ŭsio roŭna, 5G, 6 abo 4