Ministr suviazi: 5G — heta ŭsiaho tolki technałohija. Karystalniku ŭsio roŭna, 5G, 6 abo 4
Kanstancin Šulhan raspavioŭ, kali ŭ Biełarusi płanujecca ŭkaranieńnie technałohii 5G.
Ministr suviazi i infarmatyzacyi adznačyŭ, što rašeńnie ab ukaranieńni hetaj technałohii pavinna prymacca na ŭzroŭni ŭkaza Łukašenki. Sa słoŭ Šulhana, prajekt dakumienta ŭžo jość, najbližejšym časam płanujecca pačać vykanańnie.
Pry hetym ministr parazvažaŭ pra toje, što prostamu karystalniku ŭsio roŭna, jakaja technałohija vykarystoŭvajecca.
«Ale 5G — heta ŭsiaho tolki technałohija. Karystalniku ŭsio roŭna: 5G, 6 abo 4. Kali vy atrymlivajecie jakasnuju pasłuhu, to nie zadumvajeciesia nad tym, pa jakoj technałohii jana akazvajecca. U nas jašče jość reziervy pa raźvićci 4G», — ličyć Šulhan.
Kiraŭnik Minsuviazi taksama zakranuŭ pytańnie stvareńnia mabilnaha apieratara ad «Biełtelekama». Kampanija ŭžo atrymała licenziju, a raźvićcio apieratara zaležyć ad taho, pa jakoj madeli pojdzie raźvićcio technałohii 5G.
«Mabilnym apierataram možna stać pa-roznamu, ale hetaja zadača staić adnaznačna», — zajaviŭ Šulhan.
Kamientary
Pa sutnaści jon skazaŭ, što nie paśpiavajuć narmalna ŭkaranić 4G, kab jašče pra 5G zadumvacca.
Majsterstva vydavać svaje niedachopy za pieravahi.