Namieśnik ministra Pavieł Tkač adkazaŭ na pytańnie ab zapavoleńni servisu ŭ Rasii i ŭpłyvie na biełarusaŭ.
Namieśnik ministra suviazi i infarmatyzacyi Biełarusi Pavieł Tkač raspavioŭ, ci adabjecca zapavoleńnie YouTube u Rasii na biełarusach.
Čynoŭnik zajaviŭ, što nie čakaje prablem z chostynham, piša «Sputnik».
«U nas stvorany całkam niezaležnyja sietki elektrasuviazi. U jakaści prykładu, niahledziačy na toje, što ŭ Rasii jość prablemy z padklučeńniem da Facebook, na terytoryi Biełarusi takich prablem niama. Tamu i z YouTube u ciapierašni čas my nie čakajem nijakich ciažkaściaŭ. Choć abstalavańnie na sietkach Google-anałahičnaje rasiejskamu — u nas taksama jość, ale tym nie mienš u nas takich prablem niama», — adznačyŭ Tkač.
Karystalniki ŭ Rasii apošnim časam skardziacca na nizkuju chutkaść YouTube, napiaredadni chostynh naohuł nie adkryvaŭsia ŭ mnohich rehijonach Rasii. Čynoŭniki zajaŭlajuć, što pryčyna ŭ nibyta znosie abstalavańnia Google, jakoje pierastała absłuhoŭvacca paśla sankcyj. Adnak šmat što pakazvaje na toje, što zapavoleńnie YouTube-heta metanakiravanaja palityka rasiejskich uładaŭ.
-
Hrodzienski fatohraf pradavaŭ fotasiesii, ale nie rabiŭ ich, a prajhravaŭ usie hrošy ŭ anłajn-kazino. Jon raskazaŭ, jak usio adbyvałasia
-
Łukašenka: Da kanca hetaha hoda my pavinny mieć svaje bojeprypasy da artyleryjskich sistem
-
Urad Cichanoŭskaj pryniaŭ pastanovu «Ab biełaruskim partyzanska-supraciŭnym ruchu»
Kamientary