Syn Janukoviča zarablaje miljardy na prodažy vuhalu z akupavanych terytoryj

Syn skinutaha prezidenta Ukrainy Viktara Janukoviča zarablaje na vuhali z akupavanych terytoryj, jaki dasyłajuć u Turcyju i inšyja krainy, a hrošy — u afšory, pišuć «Važnyje istorii».

Blizkaja da Alaksandra Janukoviča kampanija «Enierharesurs» za apošnija dva hady adpraviła za miažu amal paŭmiljona ton vuhalu. Asnoŭnaja častka nakiroŭvajecca ŭ Turcyju.

Firma «Enierharesurs» zarehistravana kala Rastova-na-Donie. Jaje ŭładalnik — Alaksiej Ivanoŭ, jaki z 2016 hoda pracuje ŭ roznych jurydyčnych kampanijach, źviazanych z Alaksandram Janukovičam.

Pa danych žurnalistaŭ, u mytnych dekłaracyjach vuhal paznačajuć jak rasijski, ale zdabyty jon u danieckich i łuhanskich vuhalnych šachtach.

Hrošy za vuhal iduć na rachunki afšora z Brytanskich Virhinskich vyspaŭ, a vuhal — u Turcyju i inšyja krainy. Nizki košt vuhalu ad «Enierharesursa» dazvalaje kampanii ekanomić na ekspartnych pošlinach.

Jak pišuć «Važnyje istorii», paśla aneksii samaabvieščanych «DNR» i «ŁNR» ciažka adsačyć mytnuju statystyku ekspartu. Tamu žurnalisty vykarystoŭvali dla svajho rasśledvańnia danyja ab samych bujnych eksparciorach i kampanii, ź jakimi jany źviazany.

Kamientary da artykuła