U Kramli nazvali pustymi słovami zajavu Zialenskaha ab hatoŭnaści da pieramoŭ z Pucinym
Napiaredadni prezident Ukrainy zajaviŭ, što hatovy sieści za stoł pieramoŭ z Pucinym, kali heta pryniasie mir.
Fota: Alexei Danichev, Sputnik, Kremlin Pool Photo via AP
«Treba całkam uśviedamlać toje, što adbyvajecca. Analiz z našaha boku, jaki nieadnarazova ahučvaŭsia prezidentam Pucinym, śviedčyć pra toje, što spadar Zialenski maje vialikija prablemy de-jure z punktu hledžańnia svajoj lehitymnaści. Ale navat niahledziačy na heta, rasijski bok zastajecca adkrytym dla pieramoŭ», — cytujuć pres-sakratara Dźmitryja Piaskova rasijskija infarmacyjnyja ahienctvy.
Ukraina ŭviała zabaronu na pramyja pieramovy z Pucinym vosieńniu 2022 hoda, kali Rasija zamacavała ŭ svajoj Kanstytucyi anieksiju čatyroch ukrainskich abłaściej. Ukrainskija zakony taksama zabaraniajuć praviadzieńnie vybaraŭ padčas dziejańnia vajennaha stanovišča.
Napiaredadni Uładzimir Zialenski zajaviŭ u intervju brytanskamu žurnalistu Pirsu Morhanu, što hatovy sieści za stoł pieramoŭ z Uładzimiram Pucinym, kali heta pryniasie mir. Jon taksama dadaŭ, što jaho staŭleńnie da rasijskaha lidara ŭ dadzienym vypadku nie maje značeńnia.
«Ja liču jaho voraham i, ščyra kažučy, dumaju, što jon taksama ličyć mianie voraham», — skazaŭ ukrainski prezident.
Čytajcie taksama:
Zialenski skazaŭ, što hatovy sieści za stoł pieramovaŭ z Pucinym, kali heta pryniasie mir
Zialenski: Kijeŭ adkryty da supracoŭnictva pa zdabyčy redkaziamielnych mietałaŭ
Zialenski: Kali nie bieracie nas u NATA, to dajcie jadziernuju zbroju