Rasijskaje MZS: Prapanoŭ, jakija zadavalniajuć Rasiju, ad Trampa nie było
Administracyja prezidenta ZŠA Donalda Trampa nie nakiroŭvała rasijskamu boku kankretnych prapanoŭ pa pačatku pieramoŭ ab zaviaršeńni vajny va Ukrainie, jakija adpaviadali b intaresam Maskvy. Takuju zajavu zrabiŭ namieśnik ministra zamiežnych spraŭ Rasii Michaił Hałuzin u razmovie z «RIA Novosti».
Fota: Kremlin Press Office / Handout / Anadolu Agency / Getty Images
Kamientujučy zajavy Zachadu i Ukrainy pra mahčymy chutki pačatak dyjałohu, Michaił Hałuzin zajaviŭ:
«My padychodzim da takich zajaŭ realistyčna. Važna, kab słovy padmacoŭvalisia praktyčnymi krokami, jakija ŭličvajuć zakonnyja intaresy Rasii, jakija demanstrujuć hatoŭnaść vykaranić pieršapryčyny kryzisu i pryznać novyja realii. Kankretnych prapanoŭ takoha charaktaru pakul nie pastupała».
Jak śćviardžaje vydańnie The Moscow Times na padstavie śćviardžeńnia svaich krynic ź liku vysokapastaŭlenych čynoŭnikaŭ, pamiž Kramlom i administracyjaj Donalda Trampa kantakt byŭ ustalavany jašče ŭ listapadzie—śniežni 2024 hoda. U hety pieryjad adbyłasia pieršaja pramaja razmova Uładzimira Pucina z Trampam.
Krynica ŭ rasijskim MZS taksama paviedamiła, što Maskva razhladaje kandydatury na rolu hałoŭnaha pieramoŭščyka z Vašynhtonam. Pavodle źviestak krynicy, hetuju funkcyju, chutčej za ŭsio, davierać adnamu z najbližejšych paplečnikaŭ Pucina: mahčyma, čałavieku, jaki pracavaŭ ź im jašče ŭ Sankt-Pieciarburhu.
Čytajcie taksama:
Daradca Trampa: Harantyi biaśpieki dla Ukrainy pavinna ŭziać na siabie Jeŭropa
Zialenski skazaŭ, što hatovy da pieramoŭ z Pucinym pry adnoj umovie
Tramp raskazaŭ pra telefonnuju razmovu z Pucinym nakont Ukrainy
U sankcyjny śpis Trampa trapiŭ prakuror MKS, jaki vydaŭ ordar na aryšt Pucina