Prezident ZŠA Donald Tramp skazaŭ vydańniu New York Post, što pravioŭ telefonnuju razmovu z prezidentam Rasii Uładzimiram Pucinym nakont urehulavańnia kanfliktu va Ukrainie. Jon ličyć, što spynić bajavyja dziejańni atrymajecca chutka.
Pavodle Trampa, asnoŭnaj temaj razmovy z Pucinym była vajna va Ukrainie.
Pa słovach prezidenta ZŠA, u jaho jość kankretny płan pa spynieńni kanfliktu. «Spadziajusia, heta budzie chutka. Kožny dzień hinuć ludzi», — skazaŭ Donald Tramp.
Na pytańnie, kolki razoŭ u jaho z Puciny byli razmovy, Tramp adkazaŭ: «Ja lepš pramaŭču».
Źviartajučysia da daradcy pa nacyjanalnaj biaśpiecy ZŠA Majka Uołca, Tramp skazaŭ, što čas pačynać pieramovy: «Davajcie pačniem hetyja sustrečy. Jany chočuć sustrecca. Kožny dzień ludzi pamirajuć. Zabivajuć maładych pryhožych sałdat. Maładych mužčyn, takich jak maje syny».
Jon vykazaŭ dumku, što Pucin «choča, kab ludzi pierastali pamirać».
Vice-prezident Džej Dzi Vens sustreniecca ź Zialenskim na nastupnym tydni na Miunchienskaj kanfierencyi pa biaśpiecy
Tramp taksama skazaŭ ab namiery zaklučyć ździełku z prezidentam Ukrainy Uładzimiram Zialenskim ab dostupie da redkaziamielnych minierałaŭ i hazu na $500 młn. Jon udakładniŭ, što ŭ abmien ZŠA hatovy pradastavić Ukrainie harantyi biaśpieki ŭ mirnym urehulavańni kanfliktu.
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary
Vot i vsia sdiełka