Daradca Trampa: Harantyi biaśpieki dla Ukrainy pavinna ŭziać na siabie Jeŭropa
Tramp źbirajecca pakłaści kaniec vajnie, a dalej sprava za jeŭrapiejcami, zajaviŭ Majk Uołc.
Daradca prezidenta ZŠA Donalda Trampa pa pytańniach nacbiaśpieki Majk Uołc zajaviŭ, što harantyi biaśpieki dla Ukrainy paśla vajny pavinna ŭziać na siabie Jeŭropa.
«Klučavy pryncyp tut, što jeŭrapiejcy pavinny ŭziać na siabie hety kanflikt. Prezident Tramp źbirajecca pakłaści jamu kaniec, a dalej z punktu hledžańnia harantyj biaśpieki, jon dakładna budzie za jeŭrapiejcami», — skazaŭ Uołc u intervju telekanału NBC News.
Uołc skazaŭ, što na nastupnym tydni pytańnie vajny budzie abmiarkoŭvać amierykanskaje kiraŭnictva ŭ Jeŭropie.
«Na nastupnym tydni ŭ Jeŭropie my budziem mieć našaha dziaržsakratara, kiraŭnika Pientahona, vice-prezidenta, śpiecpasłańnika pa Rasii i Ukrainie, jakija buduć padrabiazna kazać pra toje, jak skončyć hetuju vajnu».
Uołc dadaŭ taksama, što Štatam treba akupić vydatki na vajennuju dapamohu Ukrainie praz partniorstva z ukraincami pa ich redkaziamielnych mietałach i inšych pryrodnych resursach.
Ciapier čytajuć
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary