MZS Małdovy vystaviła VIDEA, jak rasijskaha pasła vyklikali dla tłumačeńniaŭ
Pasłu Rasii ŭ Małdovie Alehu Ozieravu prademanstravali reštki drona, źbitaha na terytoryi krainy. Na ich napisana pa-rusku «Hierań-2».
Pasoł Rasii ŭ Małdovie Aleh Ozieraŭ u małdaŭskim MZS. Pierad im — frahmienty źbitaha rasijskaha drona. Skrynšot ź videa
U noč na 13 lutaha ŭ vyniku masiravanaj ataki dronaŭ na ŭkrainski port u Reni pamiežnyja słužby Małdovy zafiksavali niekalki bieśpiłotnikaŭ, jakija pierasiekli terytoryju krainy.
Adzin z dronaŭ upaŭ u pole kala vioski Čumaj. Jašče adzin vybuchnuŭ u poli pamiž horadam Čadyr-Łunha i siałom Vala-Pieržaj.
«U adkaz na hetyja pravakacyi Ministerstva zamiežnych spraŭ pryniało rašeńnie ab adnabakovym spynieńni dziejańnia mižuradavaha małdaŭska-rasijskaha Pahadnieńnia ab stvareńni i funkcyjanavańni kulturnych centraŭ, padpisanaha ŭ 1998 hodzie. Paśla zaviaršeńnia pracedur Rasijski kulturny centr pavinien spynić svaju dziejnaść u našaj krainie», — zajavili paśla hetaha ŭ MZS Małdovy.
Čytajcie taksama:
U Małdovie zakryjuć Rasijski kulturny centr
Małdova nazvała čatyry ŭmovy pa hazie dla Prydniastroŭja
Małdova aficyjna zajaviła pra niepryznańnie vybaraŭ Łukašenki