Prydniastroŭje admoviłasia ad dapamohi JeC, ciapier niepryznanaja respublika atrymaje paliva ad Vienhryi. Małdova dazvolić tranzit, ale Ciraspal u abmien vypuścić palitviaźniaŭ, demantuje KPP, vykanaje ŭmovy ŭ dačynieńni da telekanała i škoły.
Ułady niepryznanaj Prydniastroŭskaj Małdaŭskaj Respubliki (PMR) admovilisia ad dapamohi Jeŭrasajuza na €60 młn dla pastavak hazu svaim žycharam, paviedamiŭ małdaŭski premjer Doryn Rečan u Facebook.
«Rasija nie dazvalaje im prymać jeŭrapiejskuju dapamohu, bajučysia stracić kantrol nad rehijonam. Asnoŭnaj umovaj, adrynutaj Ciraspalem, stała pastupovaje pavyšeńnie taryfaŭ dla spažyŭcoŭ. Tamu jany nie mohuć atrymać hrošy ź jeŭrapiejskaj dapamohi ŭ €60 młn», — napisaŭ Rečan.
Haz pastupić u niepryznanuju respubliku pa inšaj schiemie: vienhierski trejdar MET Gas and Energy Marketing zapłacić dubajskaj JNX General Trading i dastavić haz da miažy z Małdovaj. Prydniastroŭje apłacić tranzitnyja vydatki ad dziaržmiažy da terytoryi rehijonu.
Ułady Małdovy dazvolać tranzit, a Prydniastroŭje dla hetaha «raspačnie šerah dziejańniaŭ dla demanstracyi adkrytaści», napisaŭ małdoŭski premjer: vyzvalić palitviaźniaŭ, vyrašyć prablemu ź siaredniaj škołaj u Rybnicy, zachavaje ŭ sietcy viaščańnia hramadskaje małdaŭskaje telebačańnie, demantuje ŭstanoŭlenyja ŭ 2022-m kantrolna-prapusknyja punkty.
«Rašeńnie, abranaje ciraspalskim režymam, aznačaje, što žychary Prydniastroŭja praciahnuć žyć u stanie niepradkazalnaści i pieražyvać za hazazabieśpiačeńnie. Heta rašeńnie, jakoje nie vyrašaje prablemu ŭ doŭhaterminovaj pierśpiektyvie. Adnak my nie budziem błakavać dastaŭku hazu i nie damo źmierznuć levabiarežnym», — padkreśliŭ małdoŭski premjer.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ13
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj13
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4444
Kamientary