Zialenski: Ja nie płanuju sustrakacca ni ź jakimi rasijanami, akramia Pucina
Uładzimir Zialenski nie płanuje sustrakacca dla abmierkavańnia pytańniaŭ miru z Rasijaj ni ź jakimi rasijanami, akramia Uładzimira Pucina, ale heta budzie tolki paśla padrychtoŭki z prezidentam ZŠA Donaldam Trampam ahulnaha płana adnosna zakančeńnia vajny, piša «Interfaks-Ukraina».
Uładzimir Zialenski na Miunchienskaj kanfierencyi pa biaśpiecy, 14 lutaha 2025 hoda. Fota: AP Photo/Matthias Schrader
«Ja nie budu sustrakacca z rasijanami. Ja nie viedaju, spadabajecca im heta ci nie… Ja budu sustrakacca tolki z Pucinym. Tolki kali my padrychtujem ahulny płan z Trampam. I kab Pucin skončyŭ vajnu. Tolki ŭ hetym vypadku ja budu sustrakacca. Nie budzie nijakich inšych płatformaŭ z kampramisami», — skazaŭ Zialenski padčas udziełu ŭ paneli «Stratehičnyja inviestycyi: budučynia ŭkrainska-amierykanskaha supracoŭnictva ŭ halinie biaśpieki» na Miunchienskaj kanfierencyi pa biaśpiecy.
Čytajcie taksama:
Što budzie ź Biełaruśsiu paśla razmovy Trampa i Pucina?
Cichanoŭskaja prakamientavała namier Zialenskaha havaryć z Trampam pra Biełaruś
Zialenski źbirajecca parazmaŭlać z Trampam pra Biełaruś
Samalot ź dziaržsakratarom ZŠA, što lacieŭ u Miunchien, ekstranna viarnuŭsia