Cichanoŭskaja prakamientavała namier Zialenskaha havaryć z Trampam pra Biełaruś
Lidarka demakratyčnych siłaŭ Biełarusi Śviatłana Cichanoŭskaja prakamientavała słovy prezidenta Ukrainy Uładzimira Zialenskaha, što na chutkaj sustrečy z prezidentam ZŠA Donaldam Trampam jon chacieŭ by abmierkavać pytańnie Biełarusi.
«Važna, što prezident Ukrainy Uładzimir Zialenski padymaje pytańnie Biełarusi ŭ kantekście zaviaršeńnia vajny. Heta toje, pra što ja razmaŭlaju z suśvietnymi lidarami na Miunchienskaj kanfierencyi pa biaśpiecy hetymi dniami.
Pieramovy pa zakančeńni vajny — heta nie tolki pra Ukrainu. Heta i pra Biełaruś, i pra Małdovu, i pra ŭvieś rehijon. Biez spynieńnia ŭdziełu łukašenkaŭskaha režymu ŭ vajnie, bieź biaśpiečnaj, stabilnaj i demakratyčnaj Biełarusi hety mir nie budzie ŭstojlivym», — zajaviła Śviatłana Cichanoŭskaja.
Pavodle jaje słoŭ:
«My razmaŭlajem z novaj amierykanskaj administracyjaj i danosim, što Biełaruś moža hrać klučavuju rolu ŭ hetym pytańni. I tamu my nastoŭvajem, kab i Jeurapiejski Sajuz uziaŭ udzieł u hetych pieramovach, bo jany jak nichto inšy razumiejuć važnaść Biełarusi.
Nielha dapuścić, kab byŭ zafiksavany status-kvo i Biełaruś zastałasia ŭ śfiery ŭpłyvu Rasii. Heta tolki raźviazała b ruki dyktataram i ŭzmacniła b Pucina».
Zialenski źbirajecca parazmaŭlać z Trampam pra Biełaruś
Cichanoŭskaja ŭ Miunchienie: Patrabujem, kab rasijskija vojski byli vyviedzienyja nie tolki z Ukrainy, ale i z našaj ziamli
Cichanoŭskaja sustrełasia z amierykanskim čynoŭnikam, jaki pryjazdžaŭ u Minsk pa palitviaźniaŭ
Śviatłana Cichanoŭskaja ŭpieršyniu vystupić na hałoŭnaj scenie Miunchienskaj kanfierencyi pa biaśpiecy
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary